Ստոլտենբերգը եւս մեկ տարի կմնա ՆԱՏՕ-ի գլխավոր քարտուղարի պաշտոնում

Ինչպես հայտնում է Reuters-ը՝ վկայակոչելով ՆԱՏՕ-ի հայտարարությունը, դաշինքը համաձայնել է երկարաձգել ՆԱՏՕ-ի ներկայիս գլխավոր քարտուղար Յենս Ստոլտենբերգի մանդատը մինչև 2024 թվականի հոկտեմբերի 1-ը։

Դաշինքի անդամները որոշել են փորձառու առաջնորդին պահել մի իրավիճակում, երբ «դաշինքի շեմին պատերազմ է մոլեգնում», նշում է գործակալությունը։

Ստոլտենբերգը ՆԱՏՕ-ի գլխավոր քարտուղարի պաշտոնը զբաղեցնում է 2014 թվականից, նրա պաշտոնավարման երկրորդ ժամկետը պետք է ավարտվեր 2022 թվականի սեպտեմբերին, սակայն երկարաձգվեց մեկ տարով՝ Ուկրաինայի դեմ Ռուսաստանի պատերազմի պատճառով: Ստոլտենբերգը հայտարարել է, որ մտադիր չէ առաջադրել իր թեկնածությունը նոր ժամկետով։