Թուրքիան պարտվեց Հոլանդիայի հավաքականին, որը կխաղա Անգլիայի հետ

Գերմանիայում ավարտին մոտեցող ֆուտբոլի Եվրոպայի առաջնությունում հայտնի են կիսաեզրափակիչի զույգերը։

Աշխարհի փոխչեմպիոն Ֆրանսիան կմրցի Իսպանիայի հետ։ Եվրոպայի փոխչեմպիոն Անգլիան եզրափակիչի ուղեգիրը կվիճարկի Նիդերլանդների հետ մրցախաղում։

Եզրափակիչը հուլիսի 14-ին է։

Եվրո-2024, կիսաեզրափակիչ

Հուլիսի 9

Իսպանիա – Ֆրանսիա՝ 23:00 (Երեւանի ժամանակ)

Հուլիսի 10

Նիդերլանդներ – Անգլիա՝ 23:00

Թուրքիայի նախագահ Էրդողանը Բեռլինի «Օլիմպիաշտադիոնի» հանդերձարանում հանդիպել է Թուրքիայի հավաքականի ֆուտբոլիստներին եւ մարզիչներին Եվրո-2024-ի քառորդ եզրափակիչի հանդիպումից հետո։

Թուրքիայի թիմը 1:2 հաշվով պարտվել էր Նիդերլանդներին եւ դուրս մնացել պայքարից։