Ուկրաինայի զինված ուժերն արդեն 26 կմ առաջ են շարժվել դեպի Կուրսկ
- 14:21 08.08.2024
Ուկրաինական բանակի ստորաբաժանումները շարունակում են ավելի խորը շարժվել դեպի Կուրսկ. չորեքշաբթի առավոտյան նրանք արդեն գտնվում էին Կուրսկի շրջանի Իվնիցա գյուղում, հաղորդում է «Երկու մայոր» ռազմականամետ Z-ալիքը։ Հեռուստաալիքի տվյալներով՝ գյուղում վեց-յոթ տանկ է եղել։
Հինգշաբթի առավոտվա մարտերի քարտեզը հրապարակել է «Ազատություն» ռադիոկայանը։
Մեկ այլ Z-ալիք «Միգ Ռուսաստան»-ը հաղորդում է, որ ուկրաինացի զինվորականների փոքր խմբերը կտրում են Սուդժա-Լգով մայրուղին Անաստասևկա գյուղի մոտ։ «Երկու մայոր»-ը գրում է, որ այս գյուղում հրաձգություն է։ Այս հատվածում մարտերը նշանակում են, որ ուկրաինական ուժերն արդեն գտնվում են Ուկրաինայի հետ սահմանից 23-26 կմ հեռավորության վրա (այսինքն ուղիղ գծով հեռավորությունը դեպի սահման՝ համապատասխանաբար Իվնիցայից և Անաստասևկայից)։