Երևանում կկայանա Հայաստանի, Իրանի և Հնդկաստանի ԱԳՆ ներկայացուցիչների ևս մեկ հանդիպումը
- 12:14 09.09.2025
2025 թվականին Երևանում կկայանա Հայաստանի, Իրանի և Հնդկաստանի արտաքին գործերի նախարարությունների ներկայացուցիչների հանդիպում՝ Հյուսիս-Հարավ միջպետական երկաթուղու իրականացման և Չաբահար նավահանգստի զարգացման վերաբերյալ: Այս մասին հայտարարել է Իրանի ԱԳՆ-ը։
Նշվում է, որ սեպտեմբերի 8-ին տեղի է ունեցել Իրանի, Հնդկաստանի և Հայաստանի արտաքին գործերի նախարարությունների ներկայացուցիչների միջև խորհրդակցությունների երրորդ հանդիպումը։
Կողմերը շեշտել են համագործակցության ընդլայնման և խորացման կարևորությունը, մասնավորապես՝ տրանսպորտի ոլորտում, Հյուսիս-Հարավ միջազգային տրանսպորտային միջանցքում, Հայաստանի քառակողմ խաղաղության նախաձեռնությունում և այս առումով Չաբահար նավահանգստի ռազմավարական դիրքի օգտագործման գործում։