Վուչիչը մեղադրեց Էրդողանին՝ Բալկանները ապակայունացնելու մեջ
- 11:51 10.10.2025
Սերբիայի նախագահ Ալեքսանդր Վուչիչը խիստ քննադատել է Թուրքիային Կոսովոյին զինամթերք վաճառելու համար։ Մասնավորապես, այս շաբաթ Կոսովո հասավ թուրքական հարվածային անօդաչուների խմբաքանակը։ Պրիշտինան հայտնում է հազարավոր անօդաչուների մասին՝ կոնկրետ քանակը չհստակեցնելով։
Վուչիչի պնդմամբ`այդ քայլերով Անկարան խախտում է միջազգային իրավունքն ու ապակայունացնում իրավիճակը Բալկանյան թերակղզում:
«Հիմա ամբողջությամբ պարզ է՝ Թուրքիան Արևմտյան Բալկաններում կայունություն չի ուզում ու Օսմանյան կայսրության վերածննդի մասին է մտածում։ Սերբիան փոքր երկիր է, սակայն մենք հասկացանք ուղերձը»,- գրել է Սերբիայի նախագահն X-ի իր էջում։