Զելենսկին ժամանել է Կուպյանսկ, որի գրավման մասին վերջերս զեկուցել են Պուտինին
- 20:29 12.12.2025
Ուկրաինայի նախագահ Վլադիմիր Զելենսկին տեսագրություն է արել Խարկովի մարզի Կուպյանսկ քաղաքից, որի գրավման մասին վերջերս զեկուցել էին Ռուսաստանի առաջնորդ Վլադիմիր Պուտինին։ Ավելի վաղ ուկրաինական զորքերը պնդում էին, որ հաջող հակագրոհ են իրականացրել Կուպյանսկի մոտակայքում և կարողացել են շրջապատել այնտեղ տեղակայված ռուսական զորքերը։
Ռուսական հրամանատարությունը շարունակում է պնդել Կուպյանսկի ուղղությամբ իր հաջողությունների վրա և հերքում է շրջապատման մասին տեղեկությունը։
«Այսօր Կուպյանսկի ուղղությունն է, մեր զինվորները, որոնք այստեղ արդյունքներ են գրանցում Ուկրաինայի համար։ Շատ ռուսներ խոսել են Կուպյանսկի մասին, մենք դա տեսնում ենք։ Ես շնորհավորել եմ տղաներին», – ասել է Զելենսկին իր ելույթում, որի ֆոնին լսվել է առնվազն մեկ պայթյուն։