Կհամաձայնի՞ Ծառուկյանը «կամավոր» հրաժարվել Արարատցեմենտից

Ծառուկյանի «Նոյ» գինու և օղու գործարանի կնիքները հանվել են, բայց միայն հարկային ծառայության աշխատակիցներին է թույլատրվում մտնել։ Աշխատանքները չեն վերսկսվել։

Ծառուկյանին պատկանող բիզնեսների հազարավոր աշխատակիցներ մի քանի օր է բողոքի ակցիաներ են անցկացնում՝ սպառնալով դիմել ծայրահեղ միջոցների։

«Բարգավաճ Հայաստան» կուսակցության ձերբակալված առաջնորդ Գագիկ Ծառուկյանն ինքը չի կարողանում հասկանալ, թե ինչու են տասնյակ հազարավոր մարդկանց թողել առանց աշխատանքի և ապրուստի միջոցների։

«Բարիք ստեղծող ձեռնարկությունների աշխատանքը դադարեցվել է։ Հասկանո՞ւմ եք, թե ինչ հարված է սա արդյունաբերողներին ամբողջ երկրում, և ինչ հարված է սա ազնիվ կյանք վարող մարդկանց։ Իմ դեմ սարքված գործը որևէ կապ չունի այս ընկերությունների հետ», – հայտարարել է Ծառուկյանը։

Նրա կարծիքով՝ բոլորի համար պարզ է. բիզնեսները կասեցվել են՝ իրեն հնարավորինս շատ ցավ պատճառելու համար։

Գործարարը հույս ունի, որ «բանականությունը, ի վերջո, կհաղթի», և ընկերությունների գործունեությունը այլևս չի խոչընդոտվի։

Գործազրկության վատթարացող իրավիճակի պայմաններում տասնյակ ձեռնարկությունների փակումը կարող է բացասական բազմապատկիչ ազդեցություն ունենալ։

Միակ ձեռնարկությունը, որը վերսկսել է գործունեությունը, «Արարացեմենտն» է, որը կառավարությունը արտաքին կառավարման տակ է առել, և այն կիրականացնի էկոնոմիկայի փոխնախարարը։

Մասնագետները «Արարարատցեմենտ»-ի պետականացման փորձը գնահատում են որպես սեփականության ավելի լայն վերաբաշխման մի մաս։ Սակայն կառավարությունը դեռևս չի կարողացել Սամվել Կարապետյանից խլել «Հայէլեկտրակայաններ»-ը և քիչ հավանական է, որ հեշտությամբ խլի «Արարարատցեմենտ»-ը Ծառուկյանից, եթե Ծառուկյանը չգնա փոխզիջման և չզիջի «Արարարատցեմենտ»-ը՝ այլ ձեռնարկությունների վերաբացման և Հատիս լեռան վրա Քրիստոսի արձանը տեղադրելու թույլտվության դիմաց։