
Այն բանից հետո, երբ Հայաստանի կառավարությունը որոշեց տրամադրել քաղաքացիներին բացառապես կենսաչափական անձնագրեր, այդ թվում՝ քաղաքացիություն ստանալու համար դիմող արցախցիներին, սոցիալական ցանցերում դժգոհության ալիք բարձրացավ։
Անձնագրի համար ավելի քան 28,000 դրամ և նույնականացման քարտի համար մի փոքր ավելի քան 6,000 դրամ վճարը շատերի համար լրացուցիչ և ուժերից վեր բեռ է, հատկապես, եթե ամբողջ ընտանիքը պետք է նոր անձնագրեր ստանա։ Քաղաքացիության դիմումները համար փաստաթղթեր պատրաստելու ընթացքում ժամանակ, ջանքեր և ծախսեր անելուց բացի, արցախցիները բախվում են նաև անձնագիր ստանալու համար զգալի ֆինանսական ծախսերի։ Իսկ առանց քաղաքացիության, արցախցիները չեն կարող մասնակցել բնակապահովման ծրագրին կամ դիմել պետական աշխատանքի։
Ինչպես մեզ հայտնի է դարձել, այս խնդրի համար կա «միջանկյալ» լուծում. քաղաքացիություն ստացած արցախցիները սկզբում կարող են ստանալ միայն նույնականացման քարտ, որը ևս ծառայում է որպես ինքնությունը հաստատող փաստաթուղթ Հայաստանի սահմաններում։ Նույնականացման քարտը բավարար է բնակարանային ծրագրին մասնակցելու, բժշկական ապահովագրության և Հայաստանի քաղաքացիներին տրամադրվող բոլոր մյուս գործողությունների համար։
Իսկ կենսաչափական անձնագիր կարելի է ստանալ, եթե մտադիր եք հատել Հայաստանի սահմանը։