Նիկոլ Փաշինյանը կառավարության հարցուպատասխանի ժամանակ ընդդիմությանը մեղադրեց հրապարակում Իրանի քաղաքացիների կողմից ադրբեջաներեն երգի կատարումը «բեմադրելու» մեջ։

«Այդ ակցիայի նպատակներից մեկը Հայաստան–Իրան հարաբերությունների մեջ խնդիր առաջացնելն էր, այն ոչ մի կապ չուներ Ադրբեջանի հետ։ Այդ երգը կատարողները Իրանի քաղաքացիներ էին։ Ես չեմ զարմանա, եթե պարզվի, որ ձեր շրջանակներից նրանց վճարել էին, տարել կանգենցրել, երգել տվել, համացանց գցել, որ Հայաստանի և Իրանի հարաբերություններում խնդիր առաջացնեն»,–ասաց նա՝ պատասխանելով ԱԺ «Հայաստան» խմբակցության պատգամավոր Քրիստինե Վարդանյանի հարցին, թե ինչպե՞ս է ստացվում, որ Հանրապետության հրապարակում ադրբեջաներեն են երգում, և ձերբակալվում է տեսանյութը տարածողը։

Փաշինյանն ըննդիմությանը մեղադրեց ՀՀ–ի դեմ տեղի ունեցող հիբրիդային պատերազմի մաս կազմելու մեջ։

«Դուք ուղղակի չգիտեք՝ ինչի եք մասնակցում, և ձեր գործունեության շնորհիվ շատ մարդիկ Հայաստանն ի ցույց են դնում որպես ռևանշիստական օջախ, որպես ագրեսիվության օջախ։ Ձեր խմբակցության ելույթների ընթացքում հնչում են նախադասություններ, դուք չգիտեք՝ դրանք որտեղ և ինչ ձևով են ձևակերպվել, իսկ ես գիտեմ, որովհետև նախքան ձեր կողմից հնչելը դա իմ ներկայությամբ հնչում է որպես փաստարկ ՀՀ–ի դեմ»,–ասաց նա։

Փաշինյանը հավանաբար նկատի ունի, որ Հայաստանի ընդդիմությանը ուղղորդում է Ռուսաստանը, սակայն աշխատում է ավելորդ անգամ չհիշատակել Պուտինի անունը։ Նույնը գերադասում է չանել ընդդիմությունը, մեղադրելով Փաշինյանին, թուրքերին, բայց ոչ Ռուսաստանին։

Այն ինչ, մի քանի օր առաջ ՀՀ-ում Իրանի դեսպան Մեհդի Սոբհանին հերքել է, որ Իրանի համար խնդիր է Արևմուտքի հետ Հայաստանի հարաբերությունները։ Նա ասել է, որ ոչ ԵՄ առաքելությունը Հայաստանում, ոչ ԱՄՆ-ի հետ ստորագրված խարտիան չեն անհանգստացնում Իրանին։ Հիշեցնենք, որ Ռուաստանի ԱԳՆ ներկայացուցիչ Զախարովան համառ պնդում է, որ Արևմուտքի հետ Հայաստանի մերձեցումը դեմ է Ռուսաստանին և Իրանին։ Իրանն ասում է՝ իմ համար ОК է:

Իրանի դեսպանը նաև նշել է, որ «կեղծ պատմությունները, սպառնալիքները և կասկածելի տեսանյութերի ստեղծումը չեն կարող խաթարել երկու երկրների ամուր հարաբերությունները կամ պառակտումներ ու կասկածներ առաջացնել մեր միջև»։

Ո՞ւմ նկատի ունի Իրանը, պարզ չէ։

Հիշեցնենք, որ աղմկահարույց տեսանյութի հրապարակումից եւ Ղարիբ Բաբայանի ձեռբակալումից հետո հենց ՀՀ ԱԱԾ-ն է սլաքները ուղղել դեպի Իրան։ Հիմա նույնը հայտարարում է Փաշինյանը, ասելով, որ դա Իրանի դեմ էր ուղղված, և Ադրբեջանը կապ չունի։

ԱՄՆ նախագահ Դոնալդ Թրամփը հայտարարել է, որ հեռախոսազրույց է ունեցել Ռուսաստանի նախագահի հետ: Կրեմլը հաստատել է:

Թրամփն ընդգծել է, որ ինքը և Վլադիմիր Պուտինը պայմանավորվել են բանակցություններ» սկսել ուկրաինական պատերազմի ավարտի շուրջ և շատ սերտորեն կաշխատեն միասին:

Truth սոցիալական ցանցում ԱՄՆ առաջնորդը մանրամասներ է հայտնել զրույցից. «Մեզնից յուրաքանչյուրը խոսեց մեր երկրների ուժեղ կողմերի և այն մեծ օգուտի մասին, որ մի օր կունենանք միասին աշխատելու շնորհիվ: Ինչպես երկուսս էլ համաձայնեցինք, մենք ցանկանում ենք վերջ դնել միլիոնավոր մահերին, որ տեղի են ունենում Ռուսաստան-Ուկրաինա պատերազմի հետևանքով: Նախագահ Պուտինն անգամ օգտագործեց իմ քարոզարշավի շատ ուժեղ կարգախոսը՝ «ողջախոհություն»»:

Թրամփի խոսքով՝ երկու գերտերությունների առաջնորդները պայմանավորվել են աշխատել միասին սերտորեն, ներառյալ միմյանց երկրներ այցելելը:

Վլադիմիր Պուտինի խոսնակ Դմիտրի Պեսկովի փոխանցմամբ էլ. «Նախագահ Թրամփը խոսել է ռազմական գործողությունները որքան հնարավոր է շուտ դադարեցնելու և խնդիրը խաղաղ ճանապարհով լուծելու օգտին»:

Կրեմլի խոսնակը հավելել է, թե նախագահ Պուտինն էլ իր հերթին ընդգծել է, որ «ցանկացած կարգավորում պետք է անդրադառնա հակամարտության հիմնական պատճառներին»։ Թե որոնք են դրանք, Պեսկովը չի մանրամասնել։

ԱՄՆ նախագահն ավելացրել է, որ ինքն ու Պուտինը որոշել են, որ համապատասխան թիմերն անհապաղ սկսեն բանակցությունները. «Եվ մենք կսկսենք՝ զանգահարելով Ուկրաինայի նախագահ Զելենսկիին, որպեսզի տեղեկացնենք նրան զրույցի մասին, մի բան, որը ես կանեմ հենց հիմա»։

Թրամփը, սոցիալական ցանցում խոսելով ՌԴ նախագահի հետ զրույցի մասին, նաև տեղեկացրել է, որ խնդրել է պետքարտուղարին, ԿՀՎ-ի տնօրենին, Ազգային անվտանգության հարցերով խորհրդականին և դեսպան ու հատուկ բանագնաց Սթիվ Վիտկոֆին ղեկավարել բանակցությունները, որոնք, իր խորին համոզմամբ, «հաջողությամբ կպսակվեն»:

«Միլիոնավոր մարդիկ են զոհվել այս պատերազմում, որը տեղի չէր ունենա, եթե ես լինեի նախագահ, բայց դա տեղի է ունեցել, ուստի այն պետք է ավարտվի: Այլևս կյանքեր չպետք է կորսվեն: Ուզում եմ շնորհակալություն հայտնել նախագահ Պուտինին այս հեռախոսազրույցի համար իր տրամադրած ժամանակի և գործադրած ջանքերի համար … Ես հավատում եմ, որ այս ջանքերը կհանգեցնեն հաջող ավարտի, հուսով եմ՝ շուտով»,-հայտարարել է նա:

Ուկրաինայից բացի, ըստ Կրեմլի, երկու գերտերությունների առաջնորդները քննարկել են նաև Իրանի միջուկային ծրագիրը և իրավիճակը Մերձավոր Արևելքում։

Ուկրաինական հարցի լուծումը չի կարող լինել առանց Ուկրաինայի և եվրոպացիների, հայտարարել են Ֆրանսիայի, Գերմանիայի, Իսպանիայի արտգործնախարարները:

Ռուսաստանի նախագահի հետ այսօրվա հեռախոսազրույցից հետո ԱՄՆ առաջնորդը զրուցել է նաև Ուկրաինայի նախագահի հետ:

Վլադիմիր Զելենսկին սոցիալական ցանցում հայտնել է, որ բովանդակալից զրույց է ունեցել Դոնալդ Թրամփի հետ, խոսել են խաղաղության հասնելու հնարավորությունների մասին, քննարկել միասին աշխատելու պատրաստակամությունը և Ուկրաինայի տեխնոլոգիական հնարավորությունները, ներառյալ՝ անօդաչու թռչող սարքերը և այլ առաջադեմ ոլորտները:

«Բովանդակալից զրույց ունեցա նախագահ Դոնալդ Թրամփի հետ: Շնորհակալ եմ նախագահ Թրամփին նրա հետաքրքրության համար, թե ինչի կարող ենք հասնել միասին», – գրել է նա X-ում։

Զելենսկին նշել է, որ Թրամփն իրեն տեղեկացրել է նաև Վլադիմիր Պուտինի հետ զրույցի մասին, որի ժամանակ պայմանավորվել են բանակցություններ սկսել ուկրաինական պատերազմի ավարտի շուրջ և սերտորեն աշխատել միասին:

Թրամփը ևս գոհունակությամբ է անդրադարձել իր ուկրաինացի պաշտոնակցի հետ զրույցին՝ սոցիալական ցանցում գրելով. «Հեռախոսազրույցը շատ լավ անցավ։ Նա, ինչպես նախագահ Պուտինը, ցանկանում է խաղաղություն հաստատել»։

Ըստ ԱՄՆ նախագահի՝ Զելենսկու հետ քննարկել են պատերազմին առնչվող մի շարք թեմաներ, հիմնականում՝ ուրբաթ օրը Մյունխենում կայանալիք հանդիպումը: Գերմանիայում այս շաբաթ մեկնարկում է անվտանգության համաժողովը:

«Լիահույս եմ, որ այդ հանդիպման արդյունքները դրական կլինեն։ Ժամանակն է դադարեցնել այս ծիծաղելի պատերազմը, որի հետևանքով զանգվածային և բոլորովին անտեղի մահեր են գրանցվել և ավերածություններ եղել: Աստված օրհնի Ռուսաստանի և Ուկրաինայի ժողովրդին», – նշել է Դոնալդ Թրամփը:

Զելենսկին, իր հերթին, կրկին սոցիալական ցանցում արված գրառման մեջ շեշտել է, որ ոչ ոք ավելի շատ խաղաղություն չի ուզում, քան Ուկրաինան. «ԱՄՆ-ի հետ միասին մենք ուրվագծում ենք մեր հաջորդ քայլերը՝ կասեցնելու ռուսական ագրեսիան և ապահովելու կայուն, հուսալի խաղաղություն։ Ինչպես նախագահ Թրամփն ասաց, եկեք անենք դա»:

Զելենսկին ու Թրամփը պայմանավորվել են շարունակել կապը և պլանավորել առաջիկա հանդիպումները:

«Ուկրաինան և Եվրոպան պետք է մասնակցեն ցանկացած բանակցությունների»՝ կապված Ուկրաինայում պատերազմի ավարտի հետ։ Այս կարծիքը հայտնել են Գերմանիայի, Ֆրանսիայի, Լեհաստանի, Մեծ Բրիտանիայի, Իսպանիայի, Իտալիայի արտաքին գործերի նախարարները, ինչպես նաև ԵՄ արտաքին քաղաքականության ծառայությունը և Եվրահանձնաժողովը չորեքշաբթի՝ փետրվարի 12-ին, ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի հեռախոսազրույցից անմիջապես հետո Ուկրաինայի վերաբերյալ հեռախոսազրույցից հետո։

«Ուկրաինայում արդար և տեւական խաղաղությունն անհրաժեշտ պայման է հուսալի անդրատլանտյան անվտանգության համար», – ասվում է փաստաթղթում։ Ինչպես ընդգծել են եվրոպացի դիվանագետները, իրենք անհամբեր սպասում են բանակցություններին «ամերիկյան դաշնակիցների հետ» հետագա գործողությունների վերաբերյալ: Ընդհանուր նպատակը պետք է «Ուկրաինան ուժի դիրք տեղափոխել», կարծում են հայտարարության հեղինակները։

Ուկրաինայի անդամակցությունը ՆԱՏՕ-ին և Ռուսաստանի հետ պատերազմի ավարտից հետո 1991 թվականի սահմաններին վերադարձն իրատեսական չէ։ Այս խոսքերը չորեքշաբթի օրը՝ փետրվարի 12-ին, Բրյուսելում Ռամշտեյնի ձևաչափով Ուկրաինայի հարցով կոնտակտային խմբի հանդիպման ժամանակ ասաց ԱՄՆ պաշտպանության նոր նախարար Փիթ Հեգսեթը։

«ԱՄՆ-ը չի հավատում, որ Ուկրաինայի անդամակցությունը ՆԱՏՕ-ին բանակցային կարգավորման իրատեսական արդյունք կարող է լինել»,- ասել է նախարարը։ Փոխարենը Ուկրաինային պետք է անվտանգության երաշխիքներ տրվեն «եվրոպական և ոչ եվրոպական զորքերի» աջակցությամբ, շարունակեց Պենտագոնի ղեկավարը։

«Եթե այդ զորքերը որպես խաղաղապահներ տեղակայվեն Ուկրաինայում ցանկացած պահի, ապա դրանք պետք է տեղակայվեն ՆԱՏՕ-ի անդամ չհանդիսացող առաքելությունում և չպետք է ընդգրկվեն 5-րդ հոդվածով»,- հավելել է նա: «Անվտանգության ցանկացած երաշխիքի շրջանակներում ամերիկյան զորքեր չեն տեղակայվի Ուկրաինայում»,- ասել է նախարարը։

Հեգսեթը հավելել է, որ ինքը նաև «անիրատեսական» է համարում այն, որ Ուկրաինան կկարողանա վերադառնալ 1991 թվականի սահմաններին, որոնք կային մինչև 2014 թվականին Ղրիմի բռնակցումը։

«Մենք ցանկանում ենք, ինչպես դուք, ինքնիշխան և բարգավաճ Ուկրաինա: Բայց մենք պետք է սկսենք նրանից, որ Ուկրաինան վերադարձնելը մինչեւ 2014-ի սահմաններին անիրատեսական նպատակ է, – նշել է նախարարը։ Այդ պատրանքային նպատակի հետապնդումը միայն կերկարացնի պատերազմը և ավելի շատ տառապանքներ կբերի»: