«Մենք ենք մեր սարերը» զարգացման գործակալությունը՝ Innobiz ՀԿ-ի և Տաթևի համայնքային կենտրոնի հետ համատեղ սկսել է նոր՝ «ԹԵՎԵՐ՝ ԲՈԼՈՐԻՆ» ծրագիրը: Դա երեխաների ֆիզիկական և բարոյահոգեբանական վերականգնմանն ուղղված “Թևեր” նախագծի ընդլայնված տարբերակն է:
Ծրագրի կարևոր բաղադրիչներից մեկն է Տաթև համայնքում ապրող տեղացի և Արցախից բռնագաղթած ընտանիքների համար ստեղծել կայուն զբաղվածության միջավայր և ձեռնարկատիրական հնարավորություններ։
«Թևեր ծրրագրի իրականացման ընթացքում պարզ դարձավ, որ երեխաների բարոյահոգեբանական վիճակի բարելավման համար անհրաժեշտ է աշխատել նաև նրանց ծնողների հետ, քանի որ նրանց մոտ տիրող սթրեսային անորոշ վիճակը բացասական ազդեցություն է թողնում երեխաների հոգեկան առողջության վրա: Այսպիսով մենք սկսեցինք աշխատել նաև ծնողների հետ, նրանց ևս ցուցաբերելով հոգեբանական աջակցություն: Ավելի ուշ, հաշվի առնելով, որ նրանց, ինչպես և բոլոր արցախցիների համար, ներկա պայմաններում առաջնային են տուն և աշխատանք ունենալը, հոգեբանական աջակցություն ցուցաբերելուց բացի որոշ համայնքներում մենք դոնոր գործնկերների միջոցներով սկսեցինք փորձարկել համապարփակ ծրագրեր: Դրանք խթան են հանդիսանում Արցախից բռնի տեղահանված հայրենակիցների զբաղվածության համար, ինչպես նաև ստեղծում են ձեռնարկատիրական և տարածքային զարգացման հնարավորություններ, որպեզի արցախցիները չարտագաղթեն, այլ կարողանան սովորել, կայանալ և ինտեգրվել հաստատված համայնքներում:
Վառ օրինակ է Տաթև համայնքում համայնքային կենտրոնի և Innobiz ՀԿ-ի հետ համատեղ, H. Hovnanian Family Foundation-ի կողմից տրված դրամաշնորհի միջոցով իրականացվող «ԹԵՎԵՐ՝ ԲՈԼՈՐԻՆ» ծրագիրը: Հաշվի առնելով այն հանգամանքը, որ Տաթևում մեր կողմից իրականացվում են բազմաթիվ ծրագրեր, ուղղված համայնքի տնտեսական և սոցիալական զարգացմանը, որոշել ենք «ԹԵՎԵՐ՝ ԲՈԼՈՐԻՆ» ծրագիրը անել հենց այստեղ, քանի որ Տաթևը բավականին խոցելի համայնք է, և համայնքի բնակիչները նույնպես ունեն բազմաթիվ խնդիրներ։
Որոշեցինք իրականացնել տվյալ ծրագիրը՝ օգտագործելով համայնքում սեղծված ենթակառուցվածքները, ինչպես, օրինակ, ճոպանուղին, մեր կողմից կառուցվող նոր շուկան։ Անցյալ տարի տնկել ենք 1000 պտղատու ծառեր, որոնց բերքը նույնպես պատրաստ ենք տրամադրել, տեղացի ու Արցախցի բնակիչներին հնարավորություն տալով հիմնել սեփական չորանոց կամ որևե այլ արտադրություն:
Օգտագործելով ենթակառուծվածքները, մենք կստեղծենք կայուն զբաղվածության միջավայր ոչ միայն արցախցիների, այլև տեղացիների համար:
Ծրագիրը կշարունակվի մինչև ընթացիկ տարվա նոյեմբեր ամիսը: Սկզբում մասնակիցները կանցնեն վեցամսյա վերապատրաստման փուլ, որի ընթացքում կզարգացնեն ձեռնարկատիրական հմտությունները:
Հատկանշական է, որ ծրագրին կարող են մասնակցել ոչ միայն մեծահասակները, այլ նաև երիտասարդները: 6 ամսվա ընթացքում մասնակիցները կստանան անհրաժեշտ գիտելիքներ իրենց բիզնես գաղափարները մշակելու և իրագործելու համար: Մասնավորապես, նրանք կսովորեն բիզնես պլանավորում, թվային մարկեթինգ, ֆինանսների կառավարում, հաճախորդների սպասարկում և այլն: Արդյունքում նրանք պետք է կարողանան ճիշտ ձևով կազմել բեզնես գաղափարներ, որպեզի դիմեն համապատասխան կազմակերպություններ ու ստանան ֆինանսավորում:
Ծրագրի ընթացքում մեր կազմակերպության կողմից նրանք կստանան փոքր ֆինանսական աջակցություն բիզնես գաղափարները փորձարկելու համար, իսկ ծրագրի ավարտին կլինի գաղափարների մրցույթ ու լավագույն 5 բիզնես գաղափարները կստանան 5000 դոլարի չափով դրամաշնորհ:
Ծրագիրը նախատեսում է նաև երիտասարդների նախաձեռնողականության զարգացման, հոգեբանական աջակցության, առաջնորդության, միջհամայնքային ինտեգրացման միջոցառումներ և դասնթացներ: Հատկապես կարևոր է, որ մեր բոլոր միջոցառումները բաց են ոչ միայն արցախցիների, այլև Տաթև համայնքում բնակվող բոլոր հայրենակիցների համար ինչը կնպաստի համայնքների միջև ջերմ ու անմիջական մթնոլորտի ստեղծմանը։
Տաթև համայնքից կընտրվեն և կպատրաստվեն թվով 5 դասընթացավարներ՝ որպես ձեռնարկատիրական հմտությունների մասնագետներ, որպեզի նրանք հետագայում նույնպես կարողանան օգնել համայնքի բնակիչներին զարգացնել բիզնեսը:
Ծրագիրը պատրաստ է ընդգրկել 50 Արցախից բռնի տեղահանված ընտանիք: Ներկա պահին ընթանում է գրանցման փուլը և 60 մասնակից արդեն գրանցվել են»։
Այս մասին Step1.am-ի հետ զրույցում պատմեց «Թևեր բոլորին» ծրագրի ղեկավար և համակարգող Սոնա Հովհաննիսյանը։
Արսեն Աղաջանյան
