Պեսկով. ի՞նչ է նշանակում «Ռուսաստանի համար Հայաստանը ավելին է, քան եղբայրական երկիր»
- 20:04 26.03.2024
Հայաստանն ու Ռուսաստանը մնում են եղբայրական երկրներ՝ չնայած հարաբերություններում առկա որոշ դժվարություններին։
Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
Պեսկովն ընդգծել է, որ Հայաստանը Ռուսաստանի Դաշնության համար «նույնիսկ ավելին է, քան եղբայրական երկիր», չնայած այն հանգամանքին, որ երկու երկրներն այժմ անցնում են «հարաբերությունների բավականին բարդ շրջան»։
Ի՞նչ է նշանակում «նույնիսկ ավելի քան եղբայրական երկիր»: Պեսկովը, ըստ երևույթին, ֆրոյդական սայթաքում է արել, քանի որ «եղբայրականшс» ավելին արդեն գաղութն է։
Պեսկովը չի զլանել կրկին հիշեցնել, որ «հայերի՝ Ռուսաստանի Դաշնության քաղաքացիների տնտեսական ակտիվությունը դեռևս կազմում է Հայաստանի ընդհանուր բյուջեի շատ մեծ տոկոսը՝ տարեկան մինչև մի քանի միլիարդ»։
Ռուսաստանը «եղբայրաբար» վախեցնում է հայերին. տարօրինակ է, որ այս անգամ Պեսկովը ոչ թե ասաց, որ «Ռուսաստանում ավելի շատ հայեր են ապրում, քան Հայաստանում», այլ որ նրանք փող են ուղարկում Հայաստան։