Իրան-Իսրայել դիմակայությունը թեւակոխում է վճռական փուլ՝ հարված կլինի՞ Զանգելանին

Իրանի հոգեւոր առաջնորդ Ալի Խամենեին «X» սոցիալական ցանցում եբրայերեն գրառում է հրապարակել, որում Սիրիայում Իրանի հյուպատոսության վրա հարձակումից հետո սպառնալիք է հնչեցրել Իսրայելի հասցեին։

«Աստծո օգնությամբ մենք կստիպենք սիոնիստներին (Իսրայելին) զղջալ Դամասկոսում Իրանի հյուպատոսության դեմ կատարած հանցագործության համար»,- ասվում է ուղերձում։

Երկուշաբթի երեկոյան Սիրիայի պաշտպանության նախարարությունը հայտարարել է Սիրիայի մայրաքաղաք Դամասկոսում Իրանի գլխավոր հյուպատոսության շենքին իսրայելական ավիահարվածի մասին։ Իսրայելական հարվածը սպանել է ԻՀՊԿ-ի յոթ սպա, այդ թվում՝ երկու գեներակ՝ ավագ գլխավոր խորհրդական:

Իրանը պատրաստվում է հարձակման Իսրայելի վրա, որը կարող է տեղի ունենալ առաջիկա 48 ժամվա ընթացքում։ Իբր, Իսրայելի կառավարությունը նման նախազգուշացում է ստացել ԱՄՆ ԿՀՎ-ից, գրում է Vox ալբանական հրատարակությունը՝ վկայակոչելով արտասահմանյան լրատվամիջոցները։

Իրան-Իսրայել առճակատումը առանցքային է դառնում մոտ ապագայում իրադարձությունների զարգացման համար։ Իսրայելի վարչապետ Նեթանյահուն չի կարող նահանջել և գնալու է մինչև վերջ. այս համատեքստում չափազանց կարևոր է, թե ինչպիսին կլինի Իրանի պատասխանը և «ում դիակը կբերի գետը»։

Համաշխարհային առաջնորդների հայտարարությունների լույսի ներքո, որ Երկրորդ համաշխարհային պատերազմից հետո ստեղծված աշխարհակարգը կփոխվի առաջիկա տարիներին, պետք է ակնկալել Իսրայելի դերի փոփոխություն: Ներկայիս աշխարհակարգը, ՄԱԿ-ը և Իսրայելը ստեղծվել են նույն կմախկի վրա, և աշխարհակարգում Իսրայելի առանցքային դերի փոփոխությունը կարող է հանգեցնել մեծ վերափոխումների:

Այս առումով, պատահական չէ, որ տեղեկություններ կան, որ Իրանը կարող է հարվածել իսրայելական ռազմական և հետախուզական ենթակառուցվածքներին Արցախի օկուպացված տարածքներում։ Կամ էլ այնտեղից հարված կլինի Իրանի հյուսիսային նահանգներին։