Միջանցքը փակ է, Ադրբեջանը ստում է համաշխարհային հանրությանը
- 13:01 24.07.2023
«Միգուցե հայ լրագրողներին թույլ չեն տվել գնալ Հաքարի գետի կամուրջ՝ ելնելով նրանց անվտանգությունից։ Բայց ինչո՞ւ ռուս խաղաղապահները նրանց չեն ուղեկցել, հարցեր են ծագում»,- ասաց արցախցի հասարակական գործիչ Գագիկ Ավանեսյանը։
Հիշեցնենք, որ հուլիսի 21-ին մի խումբ արցախցիներ 25 լրագրողների ուղեկցությամբ գնացել էին Կոռնիձոր՝ փորձելով մտնել Բերձորի միջանցք։ Մի քանի ժամ սպասելուց հետո ստիպված են եղել վերադառնալ Երեւան։
Ավաեսյանի խոսքով՝ ցանկացած գործողություն պետք է ընկալվի որպես քաղաքացիական հասարակության զարթոնքի նշան։ Մենք պետք է համաշխարհային հանրությանը ցույց տանք, թե իրականում ինչ է իրենից ներկայացնում Ադրբեջանը։
«Հենց սկզբից, երբ միջանցքի ապաշրջափակման ժողովրդական շարժման շտաբը սկսեց քննարկել երթը դեպի Հաքարի կամուրջ, մենք եկանք այն եզրակացության, որ երթը պետք է լինի խաղաղ, որպեսզի ցույց տանք, որ Ալիևի հայտարարությունները միջանցքի մասին չեն համապատասխանում իրականությանը։ Լրագրողների ակցիան ամբողջ աշխարհին ցույց տվեց իրական իրավիճակը՝ միջանցքը փակ է, Ադրբեջանը ստում է համաշխարհային հանրությանը”։