Շրջափակումը հանգեցնում է «Կոլցո-2» գործողության
- 16:16 25.07.2023
Արցախցի քաղաքագետ Նարինե Ներսիսյանի կարծիքով՝ Արցախի շրջափակման հետեւանքները նպատակաուղղված հանգեցնում են Կոլցո-2 գործողության իրականացմանը։
Նրա կարծիքով՝ ներկայիս շրջափակման վտանգավոր երեւույթներից է Արցախի Հանրապետության ողջ տարածքում հասարակական տրանսպորտի դադարեցումը վառելիքի սակավության պատճառով։
«Հուլիսի 25-ից ամբողջ հանրապետությունում տրանսպորտը կանգ է առնում, ուստի մարզերից բանջարեղեն, կանաչեղեն և այլն Ստեփանակերտ չեն հասնի, և հակառակը, հաց չի առաքվի մարզեր։ Սկսվում է իսկապես դաժան շրջափակում։ Ադրբեջանը վարում է անկեղծ և անպատիժ հակահայկական քաղաքականություն։ Արցախցիները ընտրության առաջ են՝ կա՛մ սովից մեռնել, կա՛մ այսպես ասած «ինտեգրում»։ Բայց առավել կարևոր է ռուս խաղաղապահների անգործությունը. նրանք անցել են ստվեր և չեն փորձում որևէ բան անել, թեկուզ իրենց առաքելության շրջանակներում։ Այս ամենը եղել է 90-ականներին՝ «Կոլցո» օպերացիային ընդառաջ»,- ասաց քաղաքագետը։
Փորձագետը կարծում է, որ Հայաստանի իշխանություններն ի վիճակի չեն համարժեք քայլեր ձեռնարկել Ադրբեջանի ծրագրերը կանխելու համար, և միգուցե հանրային բողոքները երաշխավորեն Արցախի ապագան։
