Եթե ես նախագահ լինեի․ պետք է կռվենք՝ կկռվենք
- 20:44 25.07.2023
Ստեփանակերտում այսօրվա հանրահավաքի մասնակիցներին Step1․am-ը հարցրեց՝ ի՞նչ կանեիք, եթե դուք լինեիք Արցախի նախագահը։
Արմեն – Նախ կուղղեի այն սխալները, որոնք հանգեցրել են ժողովրդի մասնատմանը, սա ամենամեծ սպառնալիքն է։
Յուրա– Ամենակարևորը՝ որոշում կայացնելն ու մարդկանց ասելն է այդ մասին: Եթե պետք է կռվել, ուրեմն կկռվենք, եթե կան այլ մեթոդներ, որոնք արդյունք կտան, սա էլ պետք է ասել։
Հայկ– Ես նախ ժողովրդի հետ անկեղծ կլինեի, կասեի, թե իրականում ինչ է կատարվում կուլիսներում, որովհետեւ ինձ թվում է, որ հիմա Արցախի նախագահից ոչինչ կախված չէ, եւ նրա որոշումները ոչ մի բանի վրա չեն ազդում։ Առավելագույնը, որ նա կարող է, դա իր ժողովրդի հետ ազնիվ լինելն է, իսկ եթե լուծումն արդեն կա՝ ասել դրա մասին։
Նինա– Նախ ժողովրդին կհավաքեի մեկ բռունցքի մեջ, միայն միասնությունը կարող է հաղթել։
Սարո– Իրավիճակը շատ լուրջ է, բազմակողմ, ես ավելի շատ կաշխատեի ընդդիմության հետ, ավելի շատ կշփվեի ժողովրդի հետ։ Մենք դեռ հույս ունենք, որ ամեն ինչ ընթանում է ըստ պլանի, բայց ինչ պլան է, չգիտենք։