Եւ մշտապես հիշե’ք, որ հանդուրժելն ու հարմարվելը մեզ հասցնելու են ավելի նեղ պայմանների
- 22:35 12.06.2024
«ԳԵՆ» նախաձեռնությունների կենտրոնը Արցախի բնակիչներին կոչ է անում հեզորեն չընդունել սոցիալական ցանցերում ներկայացված բոլոր տեղեկությունները
Արցախցինե’ր,
Խնդրում եմ ուշադիր լինել ֆեյսբուքի առանձին սոցիալական խմբերում ձեզ մատուցվող ինֆորմացիային։ Այդ խմբերը հիմնականում օգտագործվում են մեր մասով անընդունելի, հակաարցախյան, հակամարդկային որոշումները մեզ լսեցնելու, հարմարեցնելու համար։ Սոցիալական ծրագրերը և մնացած հիմնախնդիրների լուծումների մասին ինֆորմացիան նշվում է որպես իմպերատիվ, այսինքն իբրև դրանք այլընտրանք չունեն և պարտադիր են։ Օրինակ, ՀՀ քաղաքացիություն ստանալու պարտադրանքը, բնակապահովման ծաղր֊ծրագրերը և այլն։
Այդ խմբերում գործող հիմնական դերակատարները (բլոգերներ, ադմիններ) հստակ օրակարգ ունեն և ֆինանսավորում։
Եւ մշտապես հիշե’ք, որ հանդուրժելն ու հարմարվելը մեզ հասցնելու են ավելի նեղ պայմանների։ Այդպես էր Արցախում 10 ամիս շարունակ, քանի որ փորձեցինք հարմարվել բլոկադային, այդպես է հիմա ՀՀ֊ում, այդպես է ամենուր …