Անզեն բանակ ենք դառնալու. Արթուր Օսիպյանը հայտարարեց կոնկրետ քայլերի մասին

Արցախի հեղափոխական կուսակցության նախագահ, Միջանցքի ապաշրջափակման շարժման շտաբի նախաձեռնող խմբի անդամ Արթուր Օսիպյանը հայտարարեց կոնկրետ քայլերի մասին։

«Հիմա, երբ Կոռնիձորի մոտ մարդասիրական բեռներ են կանգնած Արցախի համար, Արցախի կառավարությունը պետք է զանգվածային երթ կազմակերպի դեպի միջանցք։ Սա պետք է անի պետնախարար Գուրգեն Ներսիսյանը, բայց նա համարձակություն չունի»,- իր ալիքում ուղիղ եթերում ասել է Արթուր Օսիպյանը։

Նա հայտարարեց, որ գտել են մեքենա, վառելիք, հիմա գնում են Մարտունի, Կարմիր շուկա, Ճարտար՝ հավաքելու մարդկանց, ովքեր համաձայն են շարունակել անզեն պայքարը։ «Ստեփանակերտում նման մարդիկ քիչ են, միջոցառումների գնում են միայն հրահանգով։ Իսկ մենք գնում ենք ոչ թե հանրահավաքի, այլ կոնկրետ քայլերի համաձայնեցման։ Մենք պետք է դառնանք կազմակերպված անզեն բանակ»,- ասաց Արթուր Օսյայանը։

Նա ասաց, որ Լավրով, Միշել, դա բոլորովին կապ չունի։ Արցախում 120.000 արցախցի կա շրջափակման մեջ, ևս 30.000-ը՝ Հայաստանում, նույնպես շրջափակման մեջ, քանի որ չեն կարողանում տուն հասնել։ Եվ կա միջանցք, որտեղ կանգնած են ադրբեջանցիներն ու ռուսները։ «Եթե կարողանանք մեր խնդիրները լուծել, կանենք, ոչ, հետևանքները աղետալի կլինեն։ Մենք փախստական ​​ենք դառնալու և ստիպված ենք լինելու նույն ճանապարհով գնալ մեր երեխաների և մեր ընտանիքների հետ»,- ասաց Օսիպյանը։

Նա կոշտ քննադատության է ենթարկել Գուրգեն Ներսիյանին Շարժումը “հարամելու” համար։ «Գուրգեն, ավելի լավ է հրաժարական տաս, այլ ոչ թե հանրահավաք-համերգներ կազմակերպես, ոչ մեկին պետք չէ քո դատարկաբանությունը։ Եթե ​​հիմա չգործեք, վաղը ուշ կլինի»,- ասաց Օսիպյանը։