Միլերը նշել է, որ Վաշինգտոնը շարունակում է հորդորել կողմերին խաղաղության պայմանագրի կնքման հարցում:
«Երկու երկրների միջև խաղաղության պայմանագիրը շատ մեծ նշանակություն կունենա այդ երկրների համար։ Այն մեծ նշանակություն կունենա տարածաշրջանի, խաղաղության, կայունության, տարածաշրջանի անվտանգության համար։ Մենք, իրոք, կարծում ենք, որ համաձայնությունը հնարավոր է, բայց այն պահանջում է երկու կողմերին կատարել բարդ ընտրություններ և գնալ ծանր փոխզիջումների»,- նշել է Միլերը:
«Մենք դեռ համաձայնություն չունենք և չենք էլ պատրաստվում հանգստանալ մինչև չհասնենք դրան»,- եզրափակեց Միլերը, գրում է Ամերիկայի ձայն-ը։
Ի՞նչն է Պետդեպը դիտարկում որպես Ալիեւի զիջում։ Արդյո՞ք ԱՄՆ չի աջակցում Ալիեւի՝ ՀՀ Սահմանադրությունը փոխելու պահանջին։ Մինչ օրս ԱՄՆ Հայաստանին հրապարակավ չի “հորդորել” ընդունել Ալիեւի պայմանը եւ Սահմանադրությունից հանել հղումը Հայաստանի եւ Արցախի վերամիավորման մասին 1989 թ․ որոշմանը։ Դա կարեւոր արձանագրում է, քանի որ 1989 թվականին ԱՄՆ բուռն հավանություն է տվել հայերի ինքնիշխան որոշմանը եւ դիտարկել է այն որպես սովետական կայսրությունից վեր միջազգային իրավաքաղաքական ակտ։
Ալիեւը հասկանում է, որ եթե ԱՄՆ չի պնդում այդ ակտի չեղարկումն, ուրեմն դրա իրավաքաղաքական նշանակությունը պահպանվում է։ Եւ որ “ադրբեջան” հասկացողությունը խիստ պայմանական է դիտարկվում։