Բայդեն դրամաт. ո՞վ կփոխի աշխարհակարգը
- 22:18 21.07.2024
ԱՄՆ նախագահ Ջո Բայդենը լսեց իր ընկերների կոչերը և ընտրություններից չորս ամիս առաջ հրաժարվեց պայքարել Դոնալդ Թրամփի հետ մոլորակի առաջատար ռազմական և տնտեսական ուժը ղեկավարելու իրավունքի համար։
Բայդենը հայտարարություն է տարածել, որում ասվում է, որ պատիվ է ծառայել ամերիկյան ժողովրդին որպես նախագահ և որ մտադիր էր առաջադրվել, բայց իր կուսակցության և երկրի լավագույն շահերից ելնելով, նա պետք է հետ կանգնի նախընտրական արշավից և մինչև վերջ կենտրոնանա իր նախագահական պարտականությունների վրա մինչեւ նրան հատկացված ընթացիկ ժամկետը։
Հաջորդ շաբաթ նա հանդես կգա ուղերձով, որտեղ ավելի մանրամասն կխոսի իր որոշման և հետագա անելիքների մասին։
Բայդենը նախագահի պաշտոնը կզբաղեցնի մինչև 2025 թվականի հունվարը, երբ նոյեմբերին ընտրված հաջորդ նախագահը կստանձնի պաշտոնը։ Բայդենը ժամանակ կունենա՞ մինչև հունվար իրականացնել աշխարհակարգը փոխելու իր ծրագիրը: Չէ՞ որ հենց դա էր նրա երկրորդ ժամկետի գլխավոր նպատակը։ Բայդենի դրաման կայանում է ոչ միայն նրանում, որ նա առնվազն 10 տարով երիտասարդ չէ, որ Թրամփին կրակել են, իսկ իրեն ինչ-որ մեկը կորոնավիրուսով է վարակել։ Բանն այն է, որ ոչ բոլորն են ցանկանում փոխել աշխարհակարգը «Բայդենի ոճով», իսկ ոմանք ընդհանրապես չեն ցանկանում փոխել ոչինչ: