Փաշինյանը կրկին հայտարարեց, որ Արցախի հարցը՝ ՀՀ պետականության խոչընդոտն է

“1996 թվականին Լիսաբոնի գագաթաժողովից հետո ԼՂ հարցը չի եղել ԼՂ հարց, եղել է ՀՀ հարց, Հայաստանի պետականությունը զրոյացնելու հարց: Ժամանակի մեջ ես ավելի եմ դրանում համոզվում: Այն բովանդակությունը, որով փորձ է արվում ներկայացնել այդ խնդիրը, հակասում է ՀՀ պետական շահերին”: Այդ մասին այսօրվա ասուլիսի ժամանակ հայտարարել է Նիկոլ Փաշինյանը, որը ստորագրել է 2020 նեյեմբերի 9-ի հայտարարությունը։ Նա հաստատեց, որ հայտարարությունը գործում է, ակնարկելով, որ այն “ուժի մեջ են պահում” գերիների պատճառով։

Փաշինյանը չմեկնաբանեց այն հարցը, որ Բաքուն, պահանջելով ՀՀ Սահմանադրության փոփոխություն, փաստորեն ճանաչում է, որ ՀՀ-ն՝ Հայաստանի եւ Արցախի միավորումն է։

Փաշինյանը նաեւ նշել է ՀՀ պայմանը ճանապարհների բացման հարցում։ “Մեզ համար կարեւոր է, որ ինչպես Ադրբեջանի քաղաքացիները Հայաստանով անցնելիս իրենց զգան անվտանգ ու ապահով, նույն կերպ էլ ՀՀ քաղաքացիները Ադրբեջանի տարածքով անցնելիս զգան ապահով ու անվտանգ», – ասաց նա:

Հիշեցնենք, որ ավել վաղ հայտարարվել է, որ եթե ռուսները ուզում են ապահովել ՀՀ տարածքով միջանցքի անվտանգությունը, ապա ո՞վ է ապահովելով ՀՀ քաղաքացիների անվտանգությունը ադրբեջանի տարածքում։

Մեկնաբանելով երեկ Երեւանի եւ Բաքվի միջեւ երեկ ստորագրված փաստաթուղթը, նա ասել է, որ Ալմա-Աթայի հռչակագիրը ֆիքսվելու է որպես սահմանազատման բազային սկզբունք։ “Ալմա-Աթայի հռչակագիրը սահմանազատման բազա դարձնելը նշանակում է, որ Հայաստանը և Արբեջանը, ըստ էության, Խորհրդային միության սահմաններով  ճանաչում են միմյանց տարածքային ամբողջականությունը։ Սա իրադրության էական, դրական փոփոխություն է»,- նշել է Փաշինյանը։

«Մենք առաջարկում ենք այն, ինչ այս պահին համաձայնեցված է, այս պահին դա ստորագրել եւ վավերացնել, մնացած բոլոր հնարավոր հարցերի քննարկումը շարունակել»,- ասել է Փաշինյանը “խաղաղ պահմանագրի” վերաբերյալ։

“Ենթադրվում է, որ այդ պայմանագրի ստորագրումից հետո նաեւ դիվանագիտական հարաբերություններ կհաստատվեն երկու երկրների միջեւ, որը լրացուցիչ պլատֆորմ կհանդիսանա բոլոր մնացած հարցերը քննարկելու համար»,- հայտարարեց Նիկոլ Փաշինյանը:

Թե որ հատվածներում կշարունակվեն սահմանազատման և սահմանագծման աշխատանքները Փաշինյանը չի հստակեցրել՝ հայտնելով, որ այդ հարցը դեռևս որոշված չէ։