Մակրոնը Ֆրանսիայի նոր վարչապետ է նշանակել Միշել Բարնիեին
- 17:35 05.09.2024
Ֆրանսիայի նախագահ Էմանուել Մակրոնը կառավարության նոր ղեկավար է նշանակել պահպանողական Միշել Բարնիեին՝ նախկին եվրահանձնակատար և ԵՄ-ից Brexit-ի հարցով բանակցող, հայտնում է BFMTV-ն։
Էմանուել Մակրոնը երկար սպասելուց հետո՝ խորհրդարանական ընտրություններից 60 օր անց, որոշեց վարչապետի թեկնածությունը և այդ պաշտոնում ընտրեց եվրահանձնակատար և ԵՄ-ի կողմից Brexit-ի հարցով բանակցող Միշել Բարնիեին։
73-ամյա Բարնյեն ղեկավարել է ԵՄ բանակցությունները Մեծ Բրիտանիայի հետ՝ 2016-2021 թվականներին դաշինքից դուրս գալու շուրջ: Մինչ այս պահպանողական քաղաքական գործիչը պաշտոններ է զբաղեցրել Ֆրանսիայի տարբեր կառավարություններում։
Ելիսեյան պալատից հայտնել են, որ Մակրոնը «վստահեցրել է, որ վարչապետը և ապագա կառավարությունը բավարարում են պայմանները՝ հնարավորինս կայուն լինելու և հնարավորինս շատ միավորվելու համար»։