Հաջիեւը հաստատում է, որ Արցախը օկուպացված է

«Խաղաղ պայմանագրի ստորագրման համար Հայաստանի Սահմանադրության տեքստում, հանրաքվեի միջոցով, պետք է փոփոխություններ կատարվեն», – օտարերկրյա դիվանագետների հետ օկուպացված Արցախ ապօրինի այցի ընթացքում այսօր հայտարարել է Ադրբեջանի նախագահի աշխատակազմի արտաքին հարաբերությունների բաժնի ղեկավար Հիքմեթ Հաջիևը։

«Հայ ժողովուրդը պետք է վերջ տա Ղարաբաղի և Հայաստանի միացման իր ուտոպիստական հավակնություններին և սահմանադրորեն ամրագրի Ադրբեջանի հետ խաղաղության մեջ ապրելու իր ցանկությունը», – նշել է ադրբեջանցի պաշտոնյան։

Հաջիևի խոսքով, եթե Հայաստանը գնա նման քայլի, «բանակցությունները շատ ավելի արագ կընթանան։

«Մեր երկրին ներկայացվող տարածքային պահանջները մեզ մտահոգում են», – նշել է Հաջիևը։

Բաքուն ամենօրյա ռեժիմով հաստատում է, որ իրավական առումով Արցախը Հայաստանի մաս է, եւ դա չեն առարկում նույնիսկ Արցախ գնացող արտասահմանյան դիվանագետները։ Նրանք “ничего личного, только бизнес” արտահայտությունը դեմքին գնում են նկարվում Շուշիում, իրենց ԱԳՆ-ներին զեկուցելով, որ այդպես էլ գոնե մեկ փաստաթուղթ չեն տեսել, ըստ որի Շուշին ադրբեջան է։ Իսկ հակառակի մասին Ալիեւն ինքն է ամեն օր հայտարարում։ Նիդեռլանդներն էլ են օրերս հաստատել, որ Լեռնային Ղարաբաղը զավթված է։