Իսրայելը հաստատում է «նոր կարգ»՝ «ոչ մի կանոն»։ Մոսկվային դա դուր է գալիս
- 21:00 29.09.2024
Լիբանանում Հեզբոլլահի ղեկավարությունը և ներուժը ոչնչացնելու Իսրայելի գործողությունը կոչվում է «նոր կարգ»: Այս անվանումը պատահական չէ և վերաբերում է ԱՄՆ նախկին դեմոկրատ թեկնածու Ջո Բայդենի՝ ընտրվելու դեպքում աշխարհակարգը փոխելու մտադրությանը։ Այն, որ Բայդենն ընտրություններից 2-3 ամիս առաջ դուրս եկավ ընտրապայքարից, հուշում է, որ «նոր կարգը» կլինի հին, և այն կշարունակի որոշվել իսրայելական գործոնով։ Իսկ Բայդենի «հիվանդությունը» «Նոր կարգ» գործողության մի մասն է։
Ներկայիս աշխարհակարգը, որը վերջնականապես ձևավորվեց Երկրորդ համաշխարհային պատերազմից, ՄԱԿ-ի ձևավորումից և աշխարհի նոր բաժանումից հետո, հիմնված է «հրեական հարցի» վրա։ Երկրորդ համաշխարհային պատերազմը կապված է Հոլոքոստի հետ, Իսրայել պետությունը ստեղծվել է որպես ցեղասպանության «փոխհատուցում», և Միացյալ Նահանգները չեն թաքցնում, որ հովանավորում է Իսրայելին՝ որպես նացիզմի հիմնական զոհ։
Իրանը բացահայտորեն դեմ է նման աշխարհակարգի անարդարությանը, ինչի պատճառով Իսրայելն Իրանին համարում է ոխերիմ թշնամի։ Իրանն այժմ ձգտում է բարելավել հարաբերությունները Արևմուտքի հետ, և Իսրայելը փորձում է ցույց տալ, որ ինչ էլ որ լինի, Իսրայելում է որոշվելու «նոր կարգը»:
Ռուսաստանը, որն աջակցում էր տարածաշրջանում հակամարտություններին և հանդիսանում է Իսրայելի «ծնողներից» մեկը, փորձում է կանխել Արևմուտքի և Իրանի հաշտեցումը։ Հիմա Մոսկվայում, փորձագիտական մակարդակով, Իրանին հրահրում են ռազմական գործողությունների՝ բողոքելով, որ Թեհրանի նոր ղեկավարությունն այլևս չի լսում Մոսկվային։
Մերձավոր Արևելքի փորձագետ Սեմյոն Բաղդասարովը ափսոսանքով նշեց, որ «Իրանի ղեկավարությունն այժմ գերիշխում է «չափավոր» բարեփոխիչները… «Ստվերային Գորբաչովի» առկայությունը Իրանի քաղաքականության մեջ լուրջ հետևանքներով է սպառնում երկրի անվտանգության համար»: Այսինքն Մոսկվան բացահայտ սպառնում է Իրանին երկրի մասնատմամբ, ինչպես գորբաչովյան ԽՍՀՄ-ը քանդվեց։
Ռուսաստանը ողջունում է Իսրայելի «նոր կարգը», որը ընդարձակում է ընդունելիի սահմանները: Ռուսաստանի Դաշնության Դաշնային խորհրդի ղեկավար Վալենտինա Մատվիենկոն և Կրեմլի քարոզիչ Մարգարիտա Սիմոնյանը ծաղրել են Հեզբոլլահի զինյալների փեյջերների զանգվածային պայթեցման հետ կապված միջադեպը։
«Նոր անեկդոտ. Կինը անսպասելիորեն ամուսնուն փեյջեր է նվիրել ծննդյան օրվա կապակցությամբ»,- պատմել է Մատվիենկոն։ Երբ դահլիճում անհարմար լռություն հաստատվեց, Մարգարիտա Սիմոնյանը որոշեց այս «անեկդոտին» ավելացնել՝ իրավիճակը լիցքաթափելու համար։ «Օդեկոլոն էր ուզում նվիրել: Իսկ հետո կարդաց լուրը և նրան փեյջեր տվեց»,- պատմել է քարոզիչը։
Մոսկվան նույն «նոր կարգը» կիրառում է Ուկրաինայում, ինչպես նաև Հայաստանում, որտեղ գործում է «նոր կարգի» հեղինակների հետ համատեղ։ Նոր կարգում Ուկրաինայի, Հայաստանի և Լիբանանի համար տեղ չպետք է լինի։