Էրդողանն ասում է, ու Իսրայելի աչքն Անթալիայի վրա է
- 15:43 02.10.2024
Թուրքիայի նախագահ Ռեջեփ Թայիփ Էդողանը հայտնել է, որ Իսրայելի ռազմական գործողությունները պաղեստինյան տարածքում եւ Լիբանանում կարող են շուտով տարածվել Թուրքիայում։ Այս մասին Էրդողանն ասել է հոկտեմբերի 1-ին, խորհրդարանի բացման ժամանակ իր ունեցած ելույթում։
Էրդողանը նշել է, որ Իսրայելի գործողությունները կարող են տարածվել տարածաշրջանի այլ երկրներում եւ ի վերջո հասնել Թուրքիա։
«Լիբանանից հետո հաջորդ տեղը, որտեղ (Իսրայելը) նետելու է իր հայացքը, ես ձեզ հստակ ասում եմ, լինելու է մեր հայրենիքը… Նեթանյահուի երազանքները ներառում են Անթալիան»,- հայտնել է Էրդողանը։
«Ինչ էլ որ դա արժենա՝ Թուրքիան կշարունակի դիմակայել Իսրայելին եւ աշխարհին կհրավիրի այդ ազնիվ դիրքին։ Թուրքիան կանի հնարավոր ամեն ինչ, որպեսզի ստեղծի մարդկայնության ֆոնդ»,- ավելացրել է նա։
Էրդողանը չի նշել, որ մի քանի տարի է, ինչ Բաքուն Իսրայելի օգնությամբ օկուպացրել է Արցախը, տեղահանելով ամբողջ հայ բնակչությունը։