«Վրացական երազանքը» մոտ 54 տոկոս է ստանում, ընդդիմությունը դա անվանում է սահմանադրական հեղաշրջում
- 10:57 27.10.2024
Ձայների ավելի քան 99%-ի հաշվարկից հետո «Վրացական երազանքը» կհավաքի 54 տոկոս, այսինքն՝ կստանա 90 մանդատ 150 տեղ ունեցող խորհրդարանում»,- հայտարարլ է Վրաստանի խորհրդարանի նախագահ Շալվա Պապուաշվիլին, հաղորդում է Վրաստանի Առաջին ալիքը։
Ինչպես նշել է Պապուաշվիլին, սա հստակ ազդանշան է ընդդիմության համար։
Վրաստանի երկու ընդդիմադիր կուսակցություններ արդեն հայտարարել են, որ չեն ճանաչում այս ընտրությունների արդյունքները։
«Միասնություն-Ազգային շարժում» կուսակցության նախագահ Թինաթին Բոկուչավան ընտրություններն ու արդյունքները անվանել է «գողացված»։
«Մենք տեսնում ենք, որ Կենտրոնական ընտրական հանձնաժողովը կատարեց Իվանիշվիլիի կեղտոտ հրամանը և հայտարարեց արդյունքներ, որոնք ցույց են տալիս, որ օլիգարխ Իվանիշվիլին գողացել է հաղթանակը վրաց ժողովրդից և դրանով իսկ գողացել եվրոպական ապագան»,- ասել է նա։
Նրա գործընկեր, «Հանուն փոփոխությունների» կոալիցիայի առաջնորդ Նիկա Գվարամիան նույնպես ասաց, որ իր կուսակցությունը չի ճանաչում ընտրությունների արդյունքները. «Ընտրությունները գողացել են։ Տեղի է ունեցել իշխանության յուրացում. Սա սահմանադրական հեղաշրջում է»։
Ընդդիմությունը հայտարարել է, որ մտադիր է բողոքի ցույցեր կազմակերպել։