Արցախի մասին քննարկումը ծեծկռտուքի վերածվեց
- 20:25 11.03.2025
Հայաստանի եւ Արցախի մտավորականների կազմակերպած քննարկման ժամանակ վիճաբանություն տեղի ունեցավ։
«Քաշաթաղ» ՀԿ նախագահ Ռոբերտ Սիմոնյանն ասաց, որ «թե Արցախի, թե Հայաստանի ղեկավարությունը՝ սկսած Լեւոնից, Արցախը գրավել ու տվել են ադրբեջանցի կոչվածներին»։ Նա կեղծիք որակեց մտավորականների հավաքի ժամանակ հնչեցրած մտքերը։ «Այսինքն՝ այս բոլորը կեղծիք է, որ հիմա ներկայացնում եք այստեղ, եթե դուք իրականությունը չգիտեք, ո՞նց եք ասում, որ Արցախը պետք է ազատագրենք։ Հայաստանի Հանրապետությունը բռնակցված տարածք է, որը 1921 թվականին Մոսկվայի ու Կարսի պայմանագրերով բռնակցվել է ԽՍՀՄ-ին»,- ասաց նա։
Քննարկմանը մասնակցում էր նաեւ պահեստազորի գնադապետ Աշոտ Սարգսյանը, ով փորձեց հակադարձել Ռոբերտ Սիմոնյանին, ասելով, որ այսօր քննարկման թեման այլ է։
«Դո՞ւք էլ եք ՖՍԲ-ի աշխատող»,- գնդապետին դիմեց Ռոբերտ Սիմոնյանը։ Ի պատասխան Աշոտ Սարգսյանը հարվածեց նրան՝ ասելով․ «Հերիք է հիմար, հիմար խոսես, սրիկա, ապերախտ»։ Փոխադարձ քաշքշուկ ու հրմշտոց տեղի ունեցավ։