Արցախցի իրավաբաններին հրավիրում են դասընթացների

Դասընթացի նպատակն է աջակցել ԼՂ բռնի տեղահանված մեր հայրենակից իրավաբաններին արագ ինտեգրվել ՀՀ իրավական համակարգ’ զարգացնելով վերջիններիս հմտությունները և կարողություններն իրավական համակարգի, հատկապես’ այն ինստիտուտների առնչությամբ, որոնք բացակայել են կամ որևէ կերպ տարբերվել են ԼՂ իրավական համակարգում:

Դասընթացը հետապնդում է նաև հեռահար նպատակ. հզորացնել ԼՂ բռնի տեղահանված իրավաբաններին’ զինելով այնպիսի իրավական գիտելիքներով, որոնց կիրարկմամբ վերջիններս հետագայում օգտակար կլինեն ԼՂ բռնի տեղահանված այլ հայրենակիցների բազմաթիվ իրավական խնդիրների լուծման հարցում աջակցություն ցուցաբերելով:

Դասընթացն իրականացվելու է ՀՀ-ում համապատասխան իրավական ոլորտներում մասնագիտական գործունեության (այդ թվում նաև՝ դասավանդման) բազմամյա փորձ ունեցող, վաստակաշատ մասնագետների կողմից։

Դասընթացին մասնակցելու ցանկություն ունեցողները կարող են, մինչև 2025թ. մարտի 20-ը ներառյալ, իրենց համառոտ ինքնակենսագրականն ուղարկել հետևյալ էլ.հասցեին’ ccsldcenter@[gmail.com:](https://gmail.com/)

Հարցերի դեպքում կարող եք զանգահարել հետևյալ հեռախոսահամարով (+374)43-11-41-83:

Շտապեք գրանցվել, քանզի տեղերը խիստ սահմանափակ են: Ընտրված մասնակիցները նախապես կտեղեկացվեն մասնակցությունը հաստատող նամակի միջոցով: