Իրանը դեմ է տարածաշրջանի միլիտարիզացիային
- 13:00 03.04.2025
Մենք ամեն ինչ անում ենք՝ օգտագործելով Ադրբեջանի հետ ունեցած մեր կապերը, որպեսզի տարածաշրջանում խաղաղություն հաստատվի։ Այս մասին ապրիլի 3-ին լրագրողների հետ զրույցում ասաց Հայաստանում Իրանի արտակարգ և լիազոր դեսպան Մեհդի Սոբհանին՝ ի պատասխան NEWS.am-ի թղթակցի՝ Իսրայելից Ադրբեջան մեծ քանակությամբ զենք տեղափոխելու մասին տեղեկությունը մեկնաբանելու խնդրանքին։
Նա նշել է, որ Իրանը դեմ է տարածաշրջանում ռազմականացմանը։ Դեսպանը հավելել է, որ Թեհրանն ուշադիր հետևում է իրադարձությունների զարգացմանը։ «Մենք լավ հարաբերություններ ունենք Ադրբեջանի հետ, Ադրբեջանը մեր հարեւանն է»,- վստահեցրեց նա։