«40+10 հազար» ծրագրի վերանայում չի լինի, բայց քննարկումները սոցիալական հարցերի շուրջ կշարունակվեն
- 18:47 03.04.2025
Կառավարությունում ավարտվեց փոխվարչապետ Տիգրան Խաչատրյանի եւ Արցախցիների իրավունքների պաշտպանության խորհրդի անդամների հանդիպումը։ Այդ մասին հանդիպումից հետո հայտնեց Ապրես Մարգարյանը։
Արցախցիները հայտարարեցին, որ կառավարությունում ասել են՝ «40+10 հազար» ծրագրի վերանայում չի լինի, բայց քննարկումները սոցիալական հարցերի շուրջ կշարունակվեն։ Իսկ արցախցիների քաղաքական պահանջներին կառավարությունը խոստացել է օրերս պատասխանել նամակով։
Արցախցիների իրավունքների պաշտպանության խորհրդի անդամները հայտարարեցին, որ պայքարը շարունակում են։ Նրանք երթով շարժվեցին Ազատության հրապարակ՝ անելիքները քննարկելու։
Հիշեցնենք, որ մարտի 29-ի հանրահավաքում արցախցիները պահանջագիր էին ներկայացրել ՀՀ կառավարությանը՝ ակնկալոլեվ,որ մեկշաբաթյա ժամկետում իրենց պատասխան կտան։
Նժդեհ Իսկանդարյանն ասաց․ «Մեր անելիքները խորհրդում կքաննարկենք, ամենայն հավանականությամբ անցնելու ենք գործողությունների»։