Արմեն Գրիգորյանը լղոզված պատասխան տվեց

«Եթե ՀՀ անվտանգության վերաբերյալ սպառնալիք տեսնենք, հանրության հետ կկիսվենք այդ ինֆորմացիայով»,- այսօր լրագրողների հետ ճեպազրույցում ասաց Անվտանգության խորհրդի քարտուղար Արմեն Գրիգորյանը՝ անդրադառնալով հարցին, թե պատերազմի վտանգ կա՞։

Նշենք, որ վերջին շրջանում կան տեղեկություններ, որ ադրբեջանական կողմից կուտակուներ կան, Բաքուն նաեւ կեղծ լուրեր է տարածքում, թե հայկական կողմից կրակոցներ կան։ Այնինչ, իրականում ադրբեջանական կողմից են կրակոցները, որոնք փաստում են նաեւ սահմանամերձ բնակավայրերի բնակիչները։

Անդրադառնալով այս հարցերին, թե ի վերջո ի՞նչ է կատարվում՝ զորքերի կուտակում ու ՀՀ վրա հարձակման հավանականություն կա՞, Արմեն Գրիգորյանը պատասխանեց․ «Եթե որեւէ ինֆորմացիա լինի, որը փոխկապակցված է ՀՀ անվտանգային իրավիճակի հետ, բնականաբար մենք այդ ինֆորմացիան կկիսվենք հանրության հետ։ Ձեզ որտեղի՞ց նման ինֆորմացիա, դուք ունե՞ք հստակ աղբյուր, պետք չէ հետեւել այդպիսի ինֆորմացիոն աղմուկներին, եթե ինչ-որ ինֆորմացիա լինի, միանշանակ է, որ Պաշտպանության նախարարությունն ինֆորմացիա տրամադրելու է։ Սահմանային իրավիճակի հետ կապված ՊՆ-ն պարբերաբար տեղեկություն է տրամադրում է, հերքում է նաեւ կեղծ ինֆորմացիան։ Բայց նաեւ ուզում եմ նշել, որ ՀՀ առաջարկը շարունակում է մնալ սահմանային միջադեպերի հետաքննության մեխանիզմի ստեղծումը, եւ մենք այդ ուղղությամբ աշխատում ենք»։