Իրան-ԱՄՆ բանակցությունները կողմերը “կառուցողական” են գնահատել
- 23:16 12.04.2025
Մերձավոր Արևելքի հարցերով Թրամփի հատուկ բանագնաց Սթիվ Ուիթքոֆը պատմել է Իրանի հետ իր այսօրվա բանակցությունների մասին։
«Մենք շատ դրական և կառուցողական խոսակցություն ունեցանք»,- նշել է նա։ Ուիթքոֆն ասել է, որ Իրանի հետ բանակցությունները կշարունակվեն ապրիլի 19-ին:
Ավելի վաղ Իրանի ԱԳՆ-ն կառուցողական էր անվանել Օմանում Թեհրանի եւ Վաշինգտոնի միջեւ բանակցությունների մթնոլորտը։
Նշվում է նաեւ, որ երկուսուկես ժամ տեւած անուղղակի բանակցությունների ավարտից հետո իրանական եւ ամերիկյան պատվիրակությունների ղեկավարները մի քանի րոպե զրուցել են Օմանի արտգործնախարարի ներկայությամբ։
