Ալեն Սիմոնյան․ Մենք նույն տրամադրությամբ էինք ապրում, ինչ 30 տարի, այսինքն՝ որ կզանգենք ռուսին, ինքը պատերազմը կկանգնեցնի
- 12:53 08.05.2025
«Մեր քաղաքական ամոթն այն է, որ թույլ տվեցինք, որ պատերազմը գցեցին մեր ջեբն ու թռան։ Սերժ Սրագսյանին 2020 թվականի հունվարին տանում էին դատեին կոռուպցիայի համար, մեգաֆոնը վեցրել ասում էր՝ Արցախը երբեք չի լինելու Ադրբեջանի կազմում։ Ես էլ ասում եմ՝ էս ինչի՞ մասին է խոսում, իրեն տարել են, Ղարաբաղի հարցո՞վ են դատում։ Իրենք շատ լավ գիտեին, ապրիլյան պատերազմի ժամանակ էդ ամեն ինչը գիտեին։ Այ էդ է մեր քաղաքական ամոթը, որ մենք նոր էինք ու չէինք պատկերացնում, որ այդ աստիճանի թշնամաբար կարելի է Հայաստանին ու հայ ժողվորդին վերաբերվել»,- այսօր լրագրողների հետ ճեպազրույցում ասաց ԱԺ նախագահ Ալեն Սիմոնյանը։
Նա նշեց, որ 2018 թվականին, գալով իշխանության, իրենք Ղարաբաղի հարցով նույն տրամաբանության մեջ էին ապրում եւ մտածում։ «Հավատում էինք, վստահում էինք էն նույն տրամաբանությանը, որը գոյություն է ունեցել 30 տարի, այսինքն՝ որ կզանգենք ռուսին, ինքը պատերազմը կկանգնեցնի։ Եվ մենք կարանք ոչ մի բան չանենք Ղարաբաղի համար, մենք կարանք ոչ մի բան չանենք, կզանգենք ռուսին, ռուսը կպահի պատերազմը։ Այ էդ է մեր քաղաքական ամոթը, որովհետեւ մտածում էինք՝ դե լավ, եթե էդ համակարգը գործել է, եկեք էդ համակարգին ձեռ չտանք։ Բայց պատերազմը գցեին մեր ջեբն ու թռան»,- հավելեց նա։