Մասկը պահանջում է Թրամփի իմպիչմենտը. Ո՞վ կհաղթի «հսկաների ճակատամարտում»

ԱՄՆ նախագահ Դոնալդ Թրամփը պետք է իմպիչմենտի ենթարկվի և փոխարինվի փոխնախագահ Ջ.Դ. Վենսով, դա ըստ X-ի հրապարակման, որը “լայքել” է միլիարդատեր Իլոն Մասկը։

«Նախագահն ընդդեմ Իլոնի։ Ո՞վ կհաղթի։ Ես խաղադրույք եմ կատարում Իլոնի վրա», – ասվում է հրատարակության մեջ։

Մասկի և Թրամփի միջև հակամարտությունը սկսվել է միլիարդատիրոջ դժգոհության պատճառով NASA-ում կադրային որոշումներից և նախագահի հարկային օրինագծից, որից հետո նրանք սկսել են անձամբ քննադատել միմյանց։ Միլիարդատերը հայտարարել է, որ առանց իր օգնության Թրամփը չէր հաղթի ընտրություններում, և որ Տրամփը ներկա է «Էպշտեյնի ֆայլերում», որոնք կապված են պեդոֆիլիայի փաստերի հետ։

Այնուհետև Թրամփը միլիարդատիրոջը խելագար է անվանել և սպառնացել զրկել նրան կառավարական պայմանագրերից, ինչին Մասկը պատասխանել է՝ դադարեցնելով Dragon տիեզերանավի օգտագործումը, որի օգնությամբ ամերիկյան կողմը անձնակազմեր և բեռ էր հասցնում Միջազգային տիեզերակայան։

Արդյո՞ք Թրամփի և Մասկի կոշտ հռետորաբանությունը որևէ կապ ունեն արտաքին քաղաքական որոշումների հետ: Քանի որ Թրամփը կառուցում է համաշխարհային կարգ՝ երկրների միջև հակամարտությունները լիակատար փլուզման հասցնելով, և հայտնի չէ, թե ով կփրկվի այս փլուզումից, Թրամփը դառնում է խոչընդոտ այն ուժերի համար, որոնք ուրախանում էին նրա նախագահ դառնալով։

Վերջին օրերին, Մասկին դուր չեկող ներքին բարեփոխումներից բացի, Թրամփը ձեռնարկել է մի շարք “երկակի նշանակության” արտաքին քաղաքական քայլեր: Մասնավորապես, նա զանգահարել է Պուտինին և գրեթե նրան քարտ բլանշ տվել «պատասխանելու» Ռուսաստանի Ուկրաինայի հատնի գործողությանը, ընս որում, վերլուծաբանների կարծիքով, պատասխանը կարող է միջուկային լինել: Թրամփը նաև կոչ է արել Պուտինին «համոզել» Իրանին միջուկային համաձայնագիր կնքել Միացյալ Նահանգների հետ, այսինքն՝ չհասցնել Մերձավոր Արևելքում միջուկային հարվածի: Թրամփը զանգահարել է Սի Ցզինպինին և պայմանավորվել նրա հետ փոխադարձ այցելությունների վերաբերյալ: Բացի այդ, նա Սպիտակ տանը ընդունել է Գերմանիայի կանցլեր Մերցին, ով մարմնավորում է Գերմանիայի ռազմականացումը և նոր վերելքը: Ռուսաստանում այս վերելքն արդեն անվանում են Երրորդ համաշխարհային պատերազմի նախանշան: