Ինչ պիտի անի Հայաստանը․ երկրի հարավում ռադիոակտիվ ֆոնի փոփոխություն չկա
- 15:05 14.06.2025
Մեղրի
ՀՀ արտգործնախարար Արարատ Միրզոյանը տեղեկացրել է, որ հեռախոսազրույց է ունեցել Իրանի արտգործնախարար Աբբաս Արաղչիի հետ:
«Քննարկեցինք վերջին զարգացումները և մտքեր փոխանակեցինք առկա իրավիճակի շուրջ։ Հայաստանի արտահայտած դիրքորոշմանը համապատասխան՝ ընդգծեցի տարածաշրջանում ռիսկերը կառավարելու և էսկալացիայից խուսափելու կարևորությունը: Շարունակում ենք սերտ կապի մեջ լինել, այդ թվում՝ ԱԷՄԳ-ի քննարկումների շուրջ»,- X-ի իր էջում գրել է ՀՀ արտգործնախարարը։
Պաշտոնական տեղեկույուններ ՌԴ, ԱՄՆ, եվրոպական և այլ երկների ղեկավարների՝ Հայաստանի չինովնիկների հետ զրույցերի մասին չկան։ Թեկուզ Իրանի վրա Իսրայելի հարձակման ֆոնին Հայաստանի վիճակը ավելի խոցելի է դարձել։ Համենայնդեպս, հայ վերլուծաբաններն արդեն ակնհայտ խոսում են, որ Իրանի կրիտիկական թուլացման պարագայում Սյունքը կարող է հայտնվել վտանգի տակ։ Հատկապես, որ մի քանի օր առաջ բարձրաստիճան իրանցի պաշտոնյան ասել է, որ միայն Իրանի շնորհիվ է պահպանվել հայ-իրանական սահմանը և չի բացվել “Զանգեզուրի միջանցքը”։
Ֆրանսիայում կայացել է Արարատ Միրզոյանի հանդիպումը Հնդկաստանի արտգործնախարար Սուբրամանյամ Ջայշանկարի հետ։ Սակայն հայտնի չէ, արդյո՞ք քննարկվել է Հնդկաստան-Իրան-Հայաստան-Վրաստան-Եվրոպա ճանապարհի ճակատագիրը։
Երևանն այս պահին չունի տեղեկություն, որ Ադրբեջանը կարող է օգտվել Իրանի շուրջ ստեղծված իրավիճակից և հարձակվել Հայաստանի վրա, «Ազատության» հարցին ի պատասխան երեկ ասաց Անվտանգության խորհրդի քարտուղար Արմեն Գրիգորյանը:
Տեղաշարժեր չկա՞ն սահմաններին, հարցին Գրիգորյանը պատասխանել է․ «Մենք նման ինֆորմացիայի չենք տիրապետում: Ես չէի շտապել գնահատական տալ այս էսկալացիային, եկեք սպասենք, հասկանանք, թե ինչ զարգացումներ կլինեն, այնուհետև, կարծում եմ, որ որոշակի ժամանակ է պետք՝ գնահատելու, թե այս հարձակումը ինչպիսի ազդեցություն կունենա տարածաշրջանային անվտանգության վրա»:
Նա խոստովանել է, որ տարածաշրջանը կանգնած է լուրջ անվտանգային մարտահրավերի առջև, բայց Հայաստանի կշարունակի ջանքներն ուղղել խաղաղության օրակարգի առաջ մղմանը:
Իրանի Իսլամական Հանրապետության դեմ Իսրայելի սանձազերծած լայնածավալ ռազմական գործողությունները ստեղծում են պայթյունավտանգ իրավիճակ տարածաշրջանում, ինչն անմիջական ազդեցություն ունի Հայաստանի անվտանգության եւ կայունության վրա։ Այս մասին հայտարարություն է տարածել Հայ ազգային կոնգրեսը։
«Կոչ ենք անում Հայաստանի իշխանություններին.
հավաստիացնել միջազգային հանրությանը, որ Հայաստանի տարածքը չի օգտագործվի ռազմական նպատակներով, միանալ ՄԱԿ-ի Անվտանգության խորհրդի հրատապ նիստ գումարելու դիմումին՝ հակամարտության էսկալացիան կանխելու համար: ուժեղացնել սահմանային անվտանգությունը և պատրաստվել հնարավոր հումանիտար մարտահրավերներին, ներառյալ Իրանից փախստականների հնարավոր հոսքին, անհապաղ դադարեցնել Հայ Առաքելական Սուրբ Եկեղեցու դեմ վերջին շրջանում ծավալած ապօրինի հարձակումները: Նման քայլերը ոչ միայն խաթարում են հասարակության միասնությունը, այլև վտանգի տակ են դնում մեր ազգային արժեքները»:
ՀԱԿ-ը կոչ է արել Հայաստանի բոլոր քաղաքական և հասարակական ուժերին դադարեցնել ներքին հակամարտությունները, միառժամանակ զերծ մնալ հրապարակային բողոքի ակցիաներից, համախմբվել ընդհանուր նպատակի շուրջ՝ ապահովելու մեր երկրի անվտանգությունն ու կայունությունը:
«ՀայաՔվե» ազգային քաղաքացիական միավորումը իր հերին հայտարարել է․ «Կոչ ենք անում ՀՀ Զինված ուժերին` բարձրացնելու զգոնությունը և խափանելու այս խառնակ իրավիճակում առիթից օգտվելու` թշնամական բոլոր ծրագրերը»։
Իրանի միջուկային օբյեկտների ռմբակոծություններից հետո Միջուկային և ռադիացիոն անվտանգության գիտատեխնիկական կենտրոնի մասնագետները շտապ մեկնել են Սյունիքի մարզ՝ դոզիմետրիկ չափումներ իրականացնելու նպատակով։ Չափումները կատարվել են մի շարք բնակավայրերում, այդ թվում՝ Մեղրի, Ագարակ և Քաջարան համայնքներում։
Այս պահին Հայաստանի հարավային շրջաններում բնական ռադիոակտիվ ֆոնի որևէ փոփոխություն չի արձանագրվել։