Կրկին Դուշանբե, և կրկին Փաշինյանն ու Ալիևը չեն հեռանում միմյանցից

Դուշանբեում ԱՊՀ գագաթնաժողովի պաշտոնական մասից առաջ Ալեքսանդր Լուկաշենկոն կատակեց.

«Իլհամ Հեյդարովիչ, դու էլ ասում էիր, չի գա։ Երեկ անհանգստանում էիր։ Ես քեզ ասացի, որ Նիկոլ Վովաևիչը առանց մեզ ոչ մի տեղ չի գնա», – ասաց Լուկաշենկոն Ալիևին և Փաշինյանին, որոնք նստած էին կողք կողքի՝ դահլիճում գտնվող բազմոցին։

2018 թվականի հոկտեմբերի 1-ին Փաշինյանը Դուշանբեում հանդիպեց Ալիևի հետ՝ կրկին ԱՊՀ շրջանակներում։

Նրանց վերելակային զրույցը դարձավ մեմ. ասում են, որ Փաշինյանը Ալիևից և Պուտինից ժամանակ խնդրեց՝ “կարգավորելու” Ղարաբաղի հարցը։ Նա նաև խնդրեց Ալիևին ձեռնպահ մնալ ռազմական գործողություններից մինչև 2018 թվականի դեկտեմբերին խորհրդարանական ընտրությունների անցկացումը, երբ Փաշինյանը կստանձներ լիակատար իշխանություն։

2018 թվականին՝ Դուշանբեում հանդիպումից մեկ օր առաջ, նորընտիր Փաշինյանը հայտարարեց, որ Ալիևի հետ հեռախոսազրույցի ժամանակ համաձայնել է պահպանել խաղաղությունը սահմաններին, ինչպես նաև հանձնառություն ստանձնել երկխոսության և բանակցությունների։

Անցել է յոթ տարի, Ղարաբաղի հարցը «կարգավորված է», Հայաստանի հարավի՝ Սյունիքի հարցը սեղանին է, Փաշինյանը կրկին ընտրությունների շեմին է, և կրկին Դուշանբե, Փաշինյանն ու Ալիևն էլ անբաժան են։