Պուտինը շտապ մարդ է ուղարկել ԱՄՆ, սակայն այցը անհաջող էր

Կրեմլի դեսպան Կիրիլ Դմիտրիևի Վաշինգտոն կատարած շտապ այցը, որը տեղի ունեցավ ռուսական նավթային ընկերությունների դեմ ԱՄՆ պատժամիջոցների սահմանումից հետո, կարծես թե անհաջող ավարտվեց։

Օրինակ՝ ԱՄՆ ֆինանսների նախարար Սքոթ Բեսենթը, Face the Nation-ի եթերում ելույթ ունենալով, Դմիտրիևին անվանեց «քարոզիչ»՝ մեկնաբանելով նրա պնդումները, որ պատժամիջոցները, իբր, որևէ ազդեցություն չունեն Մոսկվայի վրա։

«Դուք իսկապե՞ս պատրաստվում եք մեջբերել ռուս քարոզչի։ Ուրիշ ի՞նչ պետք է նա ասի։ Որ ամեն ինչ սարսափելի է, և դա կստիպի Պուտինին բանակցություններ վարել։ Իհարկե՝ ոչ», – ասաց նախարարը՝ պատասխանելով հաղորդավարի մեջբերմանը։

Բեսենթը հայտարարեց, որ Ռուսաստանի դեմ պատժամիջոցները շարունակում են արդյունավետ լինել և արդեն իսկ ունենում են շոշափելի հետևանքներ։ Պաշտոնյան նշեց, որ Ռուսաստանի նավթային եկամուտները նվազում են, քանի որ Չինաստանը և Հնդկաստանը աստիճանաբար կրճատում են գնումները։ Նա հիշեցրեց, որ նավթի արտահանումը մնում է Պուտինի ռազմական մեքենայի ֆինանսավորման հիմնական աղբյուրը, ուստի ԱՄՆ-ի նպատակն է սահմանափակել այս հոսքը։

«Աճը (ռուսական տնտեսության – խմբ.) գործնականում զրոյական է։ Իմ կարծիքով՝ գնաճը գերազանցում է 20%-ը», – հավելել է նախարարը՝ մեկնաբանելով Ռուսաստանի տնտեսության վիճակը, հաղորդում է Dialog-ը։