44-օրյա պատերազմի մասնակից Սերգեյ Կարապետյանի ընտանիքը խնդրում է աջակցություն
- 22:36 17.11.2025
44-օրյա պատերազմի մասնակից, Եվրոպայի սամբոյի առաջնության չեմպիոն Սերգեյ Կարապետյանը այս օրերին բուժում է ստանում Ռուսաստանի Դաշնությունում՝ «Институт мозга и нейротехнологии» հիվանդանոցում։ Բժիշկների գնահատմամբ՝ նախատեսվող մեկամսյա բուժման արժեքը կազմում է 3 միլիոն ՀՀ դրամ։
Ընտանիքի տեղեկացմամբ՝ վերջին հինգ տարիներին Սերգեյը բուժում է ստացել արտերկրի մի շարք կլինիկաներում, սակայն ներկայիս ծրագիրը եզակի հնարավորություն է տալիս իրական առաջընթացի․ մասնագետները կանխատեսում են, որ բուժման հաջող ընթացքի դեպքում հնարավոր է քայլելու և խոսելու կարեւոր գործառույթների վերականգնում։
Երաշխիքներ, ըստ բժիշկների, չեն կարող տրվել, սակայն դրական կանխատեսումները նախկինից ավելի մեծ են։
Վերջին ամիսների ընթացքում ծնողների միջոցները սպառվել են, և բուժման շարունակման համար ընտանիքը կրկին դիմում է հանրային աջակցությանը՝ ընդգծելով, որ Սերգեյի բուժումը կանգնեցնել չեն կարող։
Ցանկացողները կարող են աջակցել հետևյալ տվյալներով (ստացողը՝ Սերգեյի հայրը, Արսեն Կարապետյան)․ IDram – 596025446 МИР – 2202206299508858 Unibank (AMD) – 24100490901600 Unibank (USD) – 24100490901601 Unibank (EUR) – 24100490901602
Ընտանիքը շնորհակալություն է հայտնում յուրաքանչյուր փոխանցման և հաղորդագրության համար՝ ընդգծելով, որ ցանկացած աջակցություն կարևոր է բուժման շարունակման համար։
Մարիամ Սարգսյան