Տեղումները կշարունակվեն, բայց ջերմաստիճանը կբարձրանա

Հիդրոօդերևութաբանության և մոնիթորինգի կենտրոնի տվյալներով՝ օդերևութաբանները կանխատեսում են օդի ջերմաստիճանի բարձրացում ամբողջ Հայաստանում։

Մարտի 21-ից 25-ը սպասվում են տեղումներ, լեռնային շրջաններում՝ ձնախառն անձրև, իսկ նախալեռնային և հովտային շրջաններում՝ անձրև։ Մարտի 21-ին ջերմաստիճանը կբարձրանա 6-10 աստիճանով։

Շիրակում ջերմաստիճանը կհասնի +12°C, Կոտայքում՝ +14°C, Գեղարքունիքում՝ +10°C, Լոռիում՝ +17°C, Տավուշում՝ +20°C, Արագածոտնում՝ +16°C, Արարատում, Արմավիրում և Վայոց Ձորում՝ +19°C, իսկ Սյունիքում՝ +21°C։

Մարտի 21-ին Երևանում հնարավոր են կարճատև անձրևներ և ամպրոպներ, ջերմաստիճանը կհասնի +16°C-ի։