Մարմնամարզիկ Աննան Ստավրոպոլից. Ես անպայման կվերադառնամ Հայաստան

Վերջերս Երևանում անցկացվեց էսթետիկ գիմնաստիկայի միջազգային մրցումներ։ Մասնակցեցին 18 երկրների 1800 երիտասարդ մարմնամարզիկներ։ Ռուսաստանի Ստավրոպոլի «Դաիս Դելիա» թիմը զբաղեցրեց երրորդ տեղը։ Թիմում էր նաև մեր հայրենակցուհի Աննա Սարգիսյանը։

Աննայի հայրը արցախյան արմատներ ունի։ Նա ծնվել է Բաքվում։ Բաքվի ջարդերի գագաթնակետին՝ 1989 թվականին, նրա ընտանիքը տեղափոխվել է Ռուսաստան։ Նրա մանկությունը սերտորեն կապված է Մարտունու շրջանի Ճարտար գյուղի հետ, որտեղից են նրա տատիկն ու պապիկը։ Նա ամառային արձակուրդներն անցկացրել է այնտեղ և հիշել է ողջ կյանքում։

Աննան ինքը ծնվել է Ստավրոպոլում։

«Ես վաղ մանկուց զբաղվում եմ էսթետիկ գիմնաստիկայով։ Բազմաթիվ մրցանակներ եմ շահել Ռուսաստանի տարածաշրջանային և դաշնային մրցումներում։ Սա իմ առաջին անգամն է, որ մասնակցում եմ միջազգային մրցույթի, և ինձ համար պատիվ է, որ այն տեղի է ունենում իմ նախնիների հայրենիքում, որի մասին բազմիցս լսել եմ ծնողներիցս։ Հայաստանը տպավորել է իր բնությամբ և ճարտարապետությամբ՝ վեհաշուք եկեղեցիներով և այլ տեսարժան վայրերով, և ես անպայման կվերադառնամ այստեղ։ Իմ գլխավոր նպատակը միջազգային մրցույթում առաջին տեղը զբաղեցնելն է, և ես ձգտում եմ դրան հասնել։ Կցանկանայի, որ շուտով խաղաղություն տիրի երկրի վրա, և բոլորը ապրեն ներդաշնակության մեջ», – Step1.am-ին ասաց 11-ամյա Անյան։