Թրամփը հերքում է Դոնբասը Պուտինին “հանձնելու” մասին լուրերը

ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի միջև չկա որևէ համաձայնություն, համաձայն որի Ռուսաստանին պետք է կփոխանցվի Դոնբասի ամբողջ տարածքը։ Սա հետևում է Թրամփի պատասխանից լրագրողի հարցին՝ երեքշաբթի, մայիսի 12-ին, Չինաստան մեկնելուց առաջ, հաղորդում է DW-ն։

X Clash Report միկրոբլոգում հրապարակվել է ԱՄՆ նախագահի մամուլի հետ զրույցի տեսագրությունից մի հատված։ «Ձեր և Պուտինի միջև կա՞ որևէ փոխըմբռնում, որ Ռուսաստանը պետք է ստանա Դոնբասի ամբողջ տարածքը», – հարցնում է լրագրողը։ «Ոչ», – կտրուկ պատասխանում է Թրամփը։

Ապրիլի վերջին The New York Times-ը, հղում անելով չորս անանուն աղբյուրների, հաղորդել է, որ ուկրաինացի պաշտոնյաները առաջարկել են Դոնբասի այն հատվածը, որը Ռուսաստանը դեռևս փորձում է ռազմական ճանապարհով գրավել, անվանել «Դոնիլենդ»՝ Թրամփի բարեհաճությունը շահելու համար։