ԱՄՆ Կոնգրեսի հանձնաժողովը կոչ է արել Ադրբեջանին ազատ արձակել հայ գերիներին
- 17:13 23.07.2026
ԱՄՆ Ներկայացուցիչների պալատի արտաքին հարաբերությունների հանձնաժողովը կոչ է արել Ադրբեջանին ազատ արձակել Բաքվում պահվող հայ գերիներին, հաղորդում է Ամերիկայի Հայ Դատի հանձնախումբը (ANCA):
Հանձնաժողովը 44-7 ձայնով քվեարկել է Ադրբեջանին կոչ անելով անհապաղ և անվերապահորեն ազատ արձակել բոլոր հայ պատանդներին՝ ընդունելով H.R. 9087 բանաձևի (Ներկայացուցիչների պալատի արտաքին ծառայության մասին օրենք) փոփոխությունը:
Ամերիկայի Հայ Դատի հանձնախմբի կողմից առաջարկված փոփոխությունը ներկայացրել է կոնգրեսական Բրեդ Շերմանը (դեմոկրատ, Կալիֆոռնիա), Կոնգրեսի հայկական խմբակցության փոխնախագահը, և համահեղինակել է հանձնախմբի նախագահ Բրայան Մաստը (հանրապետական, Ֆլորիդա):