Բաքուն հետախուզում է հայտարարել երեք ռուսների նկատմամ՝ Արցախում ցեղասպանության մասին հայտարարելու համար

Ռուսաստանի քաղաքացիներ՝ «Մոսկվա 24» հեռուստաալիքի հաղորդավար և լրագրող Իվան Կնյազևը, քաղաքական խորհրդատու և մեդիա փորձագետ Սեմյոն Ուրալովը և Ռուսաստանի տրանսպորտի նախարարի խորհրդական և հեռուստալրագրող Ալեքսեյ Չադաևը, կոչեր են արել Սեմյոն Ուրալովի YouTube ալիքում 2026 թվականի հուլիսի 14-ին հրապարակված «Հասկացողության մաքրություն» հաղորդման ժամանակ։ Արդյունքում, Ադրբեջանում նրանց դեմ քրեական գործեր են հարուցվել, և նրանց նկատմամբ հետախուզում է հայտարարվել։

2026 թվականի հուլիսի 14-ի հաղորդման ժամանակ, որը կենտրոնացած էր Շուշիի “մեդիա ֆորումում” Ադրբեջանի ղեկավարության կողմից Ուկրաինայի ինքնիշխանությանը աջակցելու և գաղութային անցյալի դեմ պայքարի մասին արված հայտարարության վրա, ելույթ ունեցողները, ըստ Բաքվի լրատվամիջոցների, բաց քննարկում են սկսել ադրբեջանական պետականության ոչնչացման սցենարների վերաբերյալ։

Քննարկման ընթացքում Ալեքսեյ Չադաևը քննարկել է Ադրբեջանի մասնատման, այն անեքսիայի ենթարկելու, նրա տարածքները երրորդ երկրներին փոխանցելու և «թալիշական» և «լեզգիական» գործոնների միջոցով անջատողականություն հրահրելու տարբերակները։ Այս քննարկումները գագաթնակետին են հասել Չադաևի կողմից ռազմական միջամտության ուղղակի կոչով։

2026 թվականի օգոստոսի 13-ին Սեմյոն Ուրալովը հայտարարեց, որ Մոսկվան իրավունք ունի դատել անկախ երկրների ղեկավարներին՝ համաձայն խորհրդային օրենսդրության. «Խորհրդային Միության տարածքում մինչև 1991 թվականը ծնված ցանկացած անձ ենթակա է Ռուսաստանի իրավասության… նույնիսկ եթե դուք Բաքվից եք, եթե դուք Ադրբեջանի նախագահն եք, ոչ, դուք Խորհրդային Միության քաղաքացի եք… մենք իրավահաջորդներն ենք, ուստի մենք իրավունք ունենք դատել ձեզ՝ համաձայն օրենքի»։

Նույն հաղորդման մեջ Սեմյոն Ուրալովը Ադրբեջանի կողմից Արցախի օկուպացիան անվանեց «մաքուր նացիզմ» և «ցեղասպանություն»՝ հայտարարելով, որ Բաքուն «զտել է հողը մարդկանցից»։

Բաքուն չափազանց զգայուն է ցեղասպանության և էթնիկ զտումների մեղադրանքների նկատմամբ՝ գիտակցելով, որ աշխարհում ոչ ոք չի ճանաչել Արցախի խնդրի ռազմական «լուծման» օրինականությունը, և այս հարցը կդառնա արդիական, հենց որ Հայաստանի ղեկավարությունը որոշի բարձրացնել այն։