Արցախցիները հրաժարվում են մասնակցել «40+10» ծրագրին․ Նախարարությունը մտահոգված է

Հուլիսի 1-ից գործում է Լեռնային Ղարաբաղից տեղահանված ընտանիքների որոշակի կատեգորիաների համար բնակվարձի մասնակի փոխհատուցման սոցիալական ծրագիր, սակայն դրա շահառուները դեռևս քիչ են։ Այս մասին այսօր հայտարարել է ՀՀ աշխատանքի և սոցիալական հարցերի փոխնախարար Լուսինե Քոչարյանը՝ դա բացատրելով հանրային իրազեկվածության պակասով։

Ինչպես երևում է, ձմռանից գովազդվող ծրագիրը ձախողվել է, բայց ոչ թե իրազեկվածության պակասի, այլ անընդունելի պայմաններն ու դրույթները։ Արցախցիները հրաժարվում են մասնակցությունից, իմաստ և երաշխիքներ չտեսնելով։

Ծրագրի էությունն այն է, որ ՀՀ քաղաքացիություն ստացած և պետական ​​սոցիալական բնակարանային ֆոնդից բնակարան ստանալու հերթի ցուցակում գրանցված ընտանիքներին տրամադրվում է 40,000 դրամի չափով օգնություն՝ գումարած ամսական 10,000 դրամ ամեն անդամի հաշվին։ Ավելին, ընտանիքի անդամները պետք է ունենան առաջին կամ երկրորդ խմբի մշտական ​​հաշմանդամություն կամ սահմանափակ ֆունկցիոնալություն, կամ երկու անդամից բաղկացած ընտանիք, որի համատեղ տարիքը գերազանցում է 115 տարին, կամ երեք անդամից բաղկացած ընտանիք, որի համատեղ տարիքը գերազանցում է 175 տարին։

Ի՞նչ է իրականում առաջարկում նախարարությունը

Նշվում է, որ այս ընտանիքներին կարող են սոցիալական բնակարաններ տրամադրել 10 տարվա ընթացքում, սակայն կառավարությունը դեռևս չունի սոցիալական բնակարանաշինության ծրագիր, և չկան երաշխիքներ, որ այն կկառուցվի։ Դրա դիմաց այս կատեգորիայի արցախցիներին առաջարկվում է հրաժարվել իրենց սերտիֆիկատներից և ստանալ 40,000 + 10,000 + 10,000… դրամ, որը, իհարկե, բավարար չէ նույնիսկ սահմանամերձ շրջաններում բնակվարձը հոգալու համար։

Այսպիսով, հաշմանդամ և տարեց անդամներ ունեցող ընտանիքները կորցնում են վկայական ստանալու իրենց իրավունքը՝ հույս ունենալով, որ երբևէ կստանան սոցիալական բնակարան։ Մարդիկ մտածում և ընտրում են վկայականը, հատկապես որ այս ծրագրին մասնակցելու համար ևս անհրաժեշտ է նոր անձնագիր։

Ծրագրին մասնակցությունը գրեթե զրոյական է, քանի որ մարդիկ անգրագետ չեն՝ կարդալ գիտեն, սակայն ծրագրի պայմանները իսկզբանե տապալված էին։

Օգոստոսի 13-ի դրությամբ, 7743 ընտանիք (31845 մարդ) արդեն ստացել է դերտիֆիկատներ՝ 7147 ընտանիք (29921 մարդ) բնակարան գնելու, 297 ընտանիք (1104 մարդ) բնակարանաշինության համար և 299 ընտանիք (820 մարդ)՝ գործող հիփոթեքային վարկերի մարման աջակցության շրջանակներում։

Նաիրա Հայրումյան