«Պատերազմ գետնի տակ» Ուկրաինայում և Իրանում. այլ ճանապարհ չկա

BBC-ն հաղորդում է, որ վերջին յոթ ամիսների ընթացքում ուկրաինացի զինվորները ապրում և կռվում են ռուսների դեմ Խարկովի մարզում խորհրդային տարիներին տեղադրված հին գազատարներում։

Այս խողովակների տրամագիծը մի փոքր ավելի քան մեկ մետր է, ուստի տեղաշարժը սահմանափակվում է սողալով։ Սակայն այս խողովակները համեմատաբար անվտանգ են. առաջնագծի վերևում երկինքը լցված է անօդաչու թռչող սարքերով, ինչը գործնականում անհնար է դարձնում երկու կողմերի հարձակումը։

Գետնափոր պատերազմը դարձել է Ուկրաինայի զինված ուժերի համար «միակ տարբերակը», ասում է Զանուդա անունով ուկրաինացի զինվորը, որը մասնակցել է խողովակներում գործողության պլանավորմանը։ Նա այն անվանում է պատերազմի նոր դարաշրջան, բայց խոստովանում է, որ այնտեղ կռվելը դժվար է։

Հիշեցնենք, որ ռուսները ևս խողովակներն օգտագործել են Ուկրաինայի խորքը մտնելու համար։

«Պայքարել և ապրել գետնի տակ» դառնում է ժամանակակից միտում՝ անօդաչու թռչող սարքերի և լիակատար տեսահսկողության պայմաններում։

Նոյեմբերի 17-ին հայտարարվեց Դնեպր գետի տակ թունել կառուցելու եզակի նախագծի մեկնարկի մասին։ «Թշնամին շարունակում է հարվածել Կիևի կամուրջներին, ուստի մենք պետք է ստեղծենք այլընտրանքային ուղիներ», – ասում են ուկրաինացի պաշտոնյաները։

Միաժամանակ, Իրանում պատերազմը նոր միտում է առաջացրել. ամենակարևոր օբյեկտները, այդ թվում՝ միջուկայինները, կառուցվում են խորը ստորգետնյա, գրանիտե ժայռերի տակ։ Միայն Միացյալ Նահանգներն ունի այդ ժայռերը թափանցելու ունակ ռումբեր։ Այս «ստորգետնյա» միտումը համարվում է Իրանի հաջող պաշտպանության բանալին։