Ցուցարարները հարձակվել են Սամվել Շահրամանյանի եղբոր՝ Կարեն Շահրամանյանի վրա
- 15:40 20.10.2023
Երևանում Արցախի ներկայացուցչության մոտ իրավիճակը կրկին լարվեց այն բանից հետո, երբ Արցախի նախագահ Սամվել Շահրամանյանը երկրորդ անգամ դուրս եկավ հավաքված ցուցարարների հետ զրուցելու և հորդորեց չլարել իրավիճակը։
Շահրամանյանը վերադարձավ շենք, իսկ քաղաքացիները շրջապատեցին և ծեծի ենթարկեցին Սամվել Շահրամանյանի եղբորը՝ Կարեն Շահրամանյանին։
Ոստիկանները սկսեցին բերման ենթարկել ցուցարարներին։
Ոստիկանությունը Երևանում Արցախի ներկայացուցչության մոտ հավաքված քաղաքացիներին հորդորեց դուրս գալ տարածքից։
Քաղաքացիների մի մասը հրաժարվում էր կատարել ոստիկանության պահանջը, սակայն ոստիկանությունը 2 րոպե ժամանակ տվեց քաղաքացիներին տարածքը լքելու ու տարածքից դուրս իրենց գործողություններն իրականացնելու համար։
Քաղաքացիները լքեցին տարածքը՝ նշելով, որ միևնույն է՝ այդ տարածքում իրենց խնդիրներին լուծում տվող մարդ չկա։
Այնուհետև նաև ոստիկանները դուրս եկան տարածքից։