8-րդ շկոլին տակի թաղը
- 14:48 30.11.2023
Անդրանիկի փողոցը գտնվում է Ստեփանակերտի կենտրոնում՝ 8-րդ դպրոցի մոտակայքում, ինչի պատճառով այն անվանում են «8-րդ շկոլին տակի թաղը»:
Թաղամասը հայտնի է նաև իր ավտոտնակներով, որի պատճառով էլ ստացել է իր երրորդ անունը՝ «գարաժների թաղ»:
Թաղամասն ունի մի քանի ճանապարհ, որից մեկը դուրս է գալիս դեպի հայտնի «Շուշվա ուգլը», 2-րդ ճանապարհը՝ դեպի Բեկորի այգու խաչմերուկը: Եվ չնայած թաղամասը հայտնի էր իր ավտոտնակներով, այնուամենայնիվ, երկար տարիներ թաղամասի ճանապարհներն անմխիթար վիճակում էին:
2020թ. ամռանը սկսվեց ճանապարհի շինարարությունը և շարունակվեց արդեն պատերազմից հետո: Հիմա թաղամասը ասֆալտապատ է, բայց այդքան երկար սպասված բարեկարգված փեղոցները վայելել չստացվեց:
Թաղամասի բնակիչները շատ հյուրասեր և մեկը մյուսի ցավով ապրող մարդիկ են, որոնք պատրաստ են նույնիսկ անծանոթ մարդկանց թեյի հրավիրել:
Թաղամասի մարդիկ առանձնակի ջերմությամբ են խոսում իրենց հարևաների, ամառվա թեյախմությունների, մինչև գիշերը փողոցում խաղացող երեխաների մասին:
Քրիստինե Ալավերդյան
