0.5 կիլո մեկ երեխայի համար․ եթե ճանապարհը չբացվի, 30 հազ․ երեխա դատապարտված են սովի
- 06:48 05.07.2023
Հուլիսի 6-ից Ստեփանակերտում և Արցախի շրջաններում մինչեւ 18 տարեկան երեխաներ ունեցող ընտանիքներին աջակցության պետական ծրագրի շրջանակներում կսկսվի շաքարավազի և կարագի բաշխումը։
«1 անչափահաս երեխայի համար տրվում է 0,5 կգ շաքարավազ և 0,5 լիտր արևածաղկի ձեթ»,- ասել է Արցախի սոցիալական զարգացման և միգրացիայի նախարարության աշխատակիցը։ Օգնությունը կարելի կլինի ստանալ Ստեփանակերտում գործող բաշխիչ կետերում՝ թիվ 5, 6, 7, 9 և 10 դպրոցներում, իսկ շրջաններում՝ վարչական շենքերում։
Երկու անչափահաս երեխաների մայր Աստղիկ Դ.-ն Step1.am-ի հետ զրույցում ասաց, որ իրեն խիստ անհանգստացրել է յուրաքանչյուր երեխայի համար կես կիլոգրամ շաքար ու ձեթ հատկացնելու որոշումը. «Առանց դրան էլ պարզ է, որ իրավիճակը ծայրահեղ ծանր է, եթե հաշվի առնենք, որ խանութներից նույնիսկ կտրոններով հնարավոր չէ շաքարավազ, կարագ կամ այլ ապրանքներ գնել։ Դրանք ուղղակի չեն վաճառվում։ Բայց երբ հայտնի դարձավ, որ յուրաքանչյուր երեխային կես կիլոգրամ են տալիս, ես անհանգստացա. դա նշանակում է, որ մենք քիչ պաշարներ ունենք, և մեզ անհրաժեշտ ք խիստ խնայողություն։ Սա նշանակում է, որ հումանիտար ճգնաժամը բավականին ռեալ վերածվում է աղետի։ Եթե ճանապարհը չբացվի, մեր երեխաները սովից կմեռնե՞ն։ Արցախում փակված 30.000 երեխա դատապարտված կլինի սովի, եթե իրավիճակը չփոխվի»,- նշել է կինը։