Ի տարբերություն Կանադայի, ՀՀ կառավարությունը չի խոսում Արցախի հարցի՝ ԵԱՀԿ ՄԽ-ի շրջանակներում կարգավորումից
- 14:24 22.12.2023
«Ամբողջ աշխարհում Լեռնային Ղարաբաղի Հանրապետության դեմ խոսում է Հայաստանի կառավարությունը եւ Ադրբեջանի կառավարությունը»,- Ազգային ժողովի այսօրվա նիստում ասաց «Հայաստան» խմբակցության պատգամավոր Արթուր Խաչատրյանը։
Նա հիշեցրեց, որ Կանադայի արտաքին գործերի նախարարությունը դեկտեմբերի 12-ին հայտարարություն էր տարածել, նշելով, որ Արցախյան հակամարտությունը պետք է կարգավորվի ԵԱՀԿ Հելսինկիի եզրափակիչ ակտի երեք սկզբունքների հիման վրա։ Իսկ Հայաստանի կառավարությունը «Արցախի Հանրապետություն» եզրույթը չի օգտագործում։
«Վերջին փաստաթուղթը, որը ներկայացվել էր այս խորհրդարան, դա բյուջեի նախագիծն էր։ Հանձնաժողովում քննարկումից հետո հանրապետություն բառը դուրս եկավ փաստաթղթից»,- ասաց նա։