Ճիշտ է, դա իր մեջ քեշ փող չի պարունակում, բայց էլի կարեւոր է

«Ժողովուրդ» օրաթերթը գրում է․ «Ինչպես «Ժողովուրդ» օրաթերթի աղբյուրներն են փոխանցում, 2023թ.-ի մարտից քաղաքացիների աշխատավարձերից պահվող գումարները չեն փոխանցվել կենսաթոշակների կուտակային ֆոնդին, այլ ուղղվել են անհայտ ինչ-որ ծախսերի:

Արցախի մեր աղբյուրների փոխանցմամբ՝ կենսաթոշակային կուտակային ֆոնդի շահառու են հանդիսանում մոտ 35.000 ԱՀ քաղաքացի, որոնց իրավունքները փաստացի կոպտորեն խախտվել են:

Մեր տեղեկություններով՝ Արցախի պատգամավորները օրերս այս հարցով փակ քննարկում են արել ու կոնսենսուսի են եկել, որ պետք է քննիչ հանձնաժողով ստեղծել, որպեսզի պարզեն՝ ինչին են ուղղվել քաղաքացիների կուտակային գումարները, եւ ով է դրա պատասխանատուն»։

Եթե այս տեղեկությունը ճիշտ է, ապա հարց է առաջանւմ․ արդյո՞ք Արցախի պատգամավորները հանձնաժողով կստեղծեն 2020-2023 թ․ իրադարձությունները հետաքննելու համար, հատկապես՝ 3 հիմնական հարց․

1․ Նոյեմբերի 9-ի Եռակողմ հայտարարության օրինականությունը եւ ահաբեկչական պատերազմի արդյունքնեի ճանաչումը

2․ Ռուսաստանի դերը եւ ռուսական զորքերի՝ Արցախում առայսօր գտնվելու օրինականությունը

3․ Հայաստանի կառավարության իրավասությունը Արցախի եւ արցախցիների նկատմամբ։

Ճիշտ է, դա իր մեջ քեշ փող չի պարունակում, բայց էլի կարեւոր է։