Քերոբյանը դատապարտեց Փաշինյանի “սուրբ կովին”․ կլինի՞ պաշտոնանկում
- 11:20 02.02.2024
2021 թվականին Էկոնոմիկայի նախարարությունից նույնկերպ ձերբակալեցին այն ժամանակ Լիցենզավորման վարչության պետին, բայց արդեն 3 տարի է անցել, բայց մենք դեռևս չունենք մեղադրական ակտ։ Եկեք, սպասենք թե ուր են տանում իրադարձությունները»,-այդ մասին ասել է էկոնոմիկայի նախարար Վահան Քերոբյանը:
Հիշեցնենք, որ երեկ ՀՀ քննչական կոմիտեն հայտարարել էր, որ ձերբակալվել է Էկոնոմիկայի նախարարի տեղակալ Անի Իսպիրյանը։
Քերոբյանն ասաց. «Մենք կարծում ենք, որ կոռուպցիայի դեմ պայքարի կիրարկման մասով չպետք է լինի այնպես…, պետք է այնպես անենք, որ ավելացվեն ոչ թե ձերբակալությունները, այլ մեղադրական ակտերը: Ո՞ւր են մեղադրական ակտերը:
Եթե գործը հասնում է մեղադրական ակտի, ապա եկեք շնորհակալություն հայտնենք մեր քննչական մարմիններին, բայց եթե չի հասնում մեղադրական ակտին, ապա կարծում եմ՝ պետք է որոշակի վերաբերմունք լինի այդ գործը նախաձեռնողների նկատմամբ»:
Դա բավականին կոշտ արձագանք է․ երեւում է, Քերոբյանն արդեն գիտի իր պաշտոնանկության մասին։ Փաստորեն, նա ձեռք է բարձրացնում Փաշինյանի սուրբ կովի վրա՝ ձերբակալությունների միջոցով քաղաքական հարցեր լուծել եւ հարուցված գործերը դատարան չհասցնել։ Այդպես է Փաշինյանը լուծում բոլոր հարցերը։
“Նիկոլ Փաշինյանը մեզ մի քանի անգամ ասել է, որ կոռուպցիոն երևույթները, որոնք կան գերատեսչություններում, ի վերջո գերատեսչության ղեկավարի պատասխանատվությունն են, և ես դրա վերաբերյալ բնականաբար իմ կարծիքը և որոշումը կասեմ վարչապետին, կստանձնեմ դրա պատասխանատվությունը», ասել է Քերոբյանը:
Երեւում է, նրան վերջին խոսքի իրավունք էլ չեն տա։